Ньюс хөтөч: ЭМЯ-наас мэдээлэл хийнэ

Ньюс агентлаг өнөөдөр /2024.02.07/ болох үйл явдлыг товчоор хүргэж байна.

11:00 ЦАГТ:

"Элэгний B, Д вирустэй тэмцэгчид" ТББ-аас Халдварт өвчин судлалын үндэсний төвөөс зарласан Гепатитын В, Д вирусийн эсрэг тарилга худалдан авах тендерт шалгарсан "Илдэнгүн хошуу" ХХК-ийн хувьцаа эзэмшигч, удирдлагуудыг Халдварт өвчин судлалын үндэсний төв болон Эрүүл мэндийн яамны эрх бүхий албан тушаалтнууд хоорондоо хамаарал бүхий ашиг сонирхлын зөрчилтэй эсэхийг Авлигатай тэмцэх газарт шалгуулахаар мэдээлэл хийнэ. Холбоо барих утас: 99 99 8648, 80 10 4305

Үндэсний мэдээллийн төвд 2024 оны хоёрдугаар сарын 2-нд Дэлхийн буриад үндэстний их хурал болсон. Уг хурлын үндсэн дээр энэ жил болох "Алтаргана" наадмын бэлтгэлийн явц болон дэлхийн буриадуудын холбоо байгуулах тухай тус наадмыг зохион байгуулагчдаас хэвлэлийн бага хурал зарлаж байна.

Сар шинийн өдрүүдэд эмнэлгийн байгууллагуудын ажиллах хуваарь, бэлэн байдлыг хэрхэн хангах, амьсгалын замын болон хоол хүнсээр дамжих халдвараас сэргийлэх, уламжлалт хоол хүнс, архины зохистой хэрэглээний талаар зөвлөгөө, эрт илрүүлгийн явцын мэдээлэл болон "Энэ жилдээ эрүүл жиндээ" аяны 2-р шат эхэлж буй талаар ЭМЯ, ХӨСҮТ, УНТЭ, НЭМГ, НЭМҮТ-ийн удирдлага, эмч мэргэжилтнүүд өгнө.

Үндэсний мэдээллийн төвд НИТХ-аар нийслэлд олгох тээврийн хэрэгслийн улсын бүртгэлийн дугаарын дээд хязгаар тогтоох тухай шийдвэрийг эсэргүүцэж эко авто машин импортлогчдын холбоо ТББ-аас мэдээлэл хийнэ.

11:40 ЦАГТ:

МҮЭХ жил бүр сар шинийн баярыг угтан Хөдөлмөрийн хүний төлөө ажил үйлс, амьдралаа зориулан ажилласан, ҮЭ-ийн сонгуульт ажлыг нэр төртэй гүйцэтгэсэн хүндэт хүмүүсийг МҮЭ-ийн холбооны нэрэмжит “Хөдөлмөрийн хүний төлөө” шагналаар шагнан урамшуулна. МҮЭХ-ны 4 давхарт хурлын танхимд болно. Холбоо барих утас: 99149240 95115380

12:00 ЦАГТ

Үндэсний мэдээллийн төвд “Зээлтэй иргэд, хуулийн этгээдүүдийн эрх ашгийг хамгаалах холбоо”-ны тэргүүн, Эдийн засгийн ухааны доктор Төмөрдөшийн Баярхүү, Иргэд ААН-үүдийн өр зээлийг шийдвэрлэх арга замын талаар мэдээлэл хийнэ.

Дүүжин тээврийн төслийн барилга угсралтын ажил эхлэх гэж буйтай холбоотойгоор Түгжрэлийг бууруулах төслийн нэгж, гүйцэтгэгч Франц Улсын "Пома" группийн төлөөлөл мэдээлэл хийнэ. Байршил нь "Puma emperial" зочид буудлын хурлын танхимд болно. Холбогдох утас 91990295

12:30 цагт

Үндэсний мэдээллийн төвд “Эрдэнэс таван толгой” ХК-ийн хувьцааг иргэдэд эзэмшүүлэх, ногдол ашиг тараах үйл ажиллагаатай холбоотой асуудлаар Монголын үнэт цаасны арилжаа эрхлэгчдийн холбоо, Үнэт цаасны компаниудын төлөөлөл мэдээлэл хийнэ.