Сэлэнгэ аймгийн Цагааннуур сумын харьяат, “Алдар” спорт хороо, “Таван хан” дэвжээний бөх Улсын арслан Б.Орхонбаяр энэ жилийн сар шинийн барилдаанд барилдахгүй өнжих болжээ. Тэрбээр жил гаруйн өмнө баруун гарандаа бэртэл авсан юм.  Өнгөрсөн жилийн Үндэсний их баяр наадмын үеэр бэртэл нь эдгэрээгүй байсан тул эм ууж барилдсан байдаг.

Улсын арслан Б.Орхонбаяр нь 2022 онд буюу Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн баяр наадмын хүчит бөхийн барилдааны есийн даваанд Даян аварга Н.Батсуурийг өвдөг шороодуулснаар 24 насандаа улсын наадамд үзүүрлэж байв.

Сар шинийн барилдаан нь бөхчүүдийн тухайн жилийн өнгийг тодорхойлдог гэж үзэх нь бий. Тиймээс ч улсын цолтой бөхчүүд сар шинийн барилдаанд ач холбогдол өгч барилддаг.