ОБЕГ-т өнгөрсөн долоо хоногт нийслэлийн 9 дүүрэг, 19 аймгийн 47 суманд аюулт үзэгдэл, ослын 112 тохиолдол бүртгэгдсэн байна. Долоо хоногийн үзүүлэлтийг авч үзвэл гал түймрийн дуудлага 83 бүртгэгдсэн нь өмнөх долоо хоногоос 12 тоогоор, хүний үйл ажиллагаатай холбоотой осол 25 бүртгэгдсэн нь  12 тоогоор, биологийн гаралтай аюулт үзэгдэл хоёр бүртгэгдсэн нь 1 тоогоор тус тус өссөн үзүүлэлт болжээ. Тэгвэл өнгөрсөн долоо хоногт золгүй байдлаар нийт 10 хүн амь насаа алджээ. Энэ талаар ОБЕГ-аас тодруулахад,

-Гал түймэрт-2,

-Зам тээврийн ослоор-5,

-Ахуйн ослоор-3 хүн нас барсан гэдгийг мэдээллээ.

Иймд иргэн та болзошгүй эрсдэлээс сэргийлж, галын аюулгүй байдлаа хангах, замын хөдөлгөөнд оролцохдоо дүрмээ баримталж соёлтой оролцохыг Онцгой байдлын байгууллагаас анхаарууллаа