Хятад улс пуужингийн тэргүүлэх эрдэмтнээ улс төрийн дээд зөвлөлөөс огцруулжээ. Энэ нь Хятадын армийн пуужингийн хүчин болон сансрын гэрээт гүйцэтгэгчдийн дундах их цэвэрлэгээний сүүлийн жишээ юм.

Пуужингийн тэргүүлэх эрдэмтэн Ван Шяожүныг жилийн өмнө Хятадын Ардын улс төрийн зөвлөлдөх зөвлөлийн гишүүнээр томилсон. Түүнийг Даваа гаригт Бээжинд болсон хурлаар огцруулжээ.

54 настай Ван Шяожүн саяхныг хүртэл Хятадын хөөргөх тээврийн хэрэгслийн технологийн академийг удирдаж байсан. Тус академи нь Хятадын сансрын салбарын өлгий гэгддэг. Албан ёсны цахим хуудсанд дурдсанаар уг академи нь пуужин хөгжүүлэлт, туршилт, үйлвэрлэлийн хамгийн эртний бөгөөд хамгийн том бааз аж. Түүнчлэн Ван Шяожүн нь Тиангон сансрын станц руу ачаа тээвэрлэх сансрын хөлөг хөөргөх зориулалттай "Long March 7" пуужингийн бүтээн байгуулалтыг удирдаж байсан.

Ван Шяожүн амьдралынхаа 30 жилийг пуужин бүтээх ажилд зориулсан хүн. Гэвч түүнийг улс төрийн гол байгууллагаас халсан нь тус улсын цэрэг, аж үйлдвэрийн салбар дахь хамгийн сүүлийн томоохон өөрчлөлт боллоо.

Өнгөрсөн арванхоёрдугаар сард сансрын салбарын гурван ч удирдах албан тушаалтанг албан үүргээс нь чөлөөлжээ. Энэ явдлаас хоёр хоногийн Ардын чөлөөлөх армийн есөн өндөр албан тушаалтан хууль тогтоох дээд байгууллагаас хөөгдсөн. Тэдний тав нь Хятадын Пуужингийн хүчинтэй холбоотой аж.

Эх сурвалж: CNN