Өвөлжилт хүндэрч, цасан бүртхүүл тогтон, идэш тэжээлгүй болсон амьтан суурьшлын бүс рүү орж ирэх болжээ. Халиун буга, бор гөрөөс, цагаан зээрийн сүрэг нийслэлийн Хан-Уул, Баянзүрх, Сонгинохайрхан дүүргүүдийн нутаг дэвсгэрт орж ирсэн байна. Амралтын өдрүүдэд иргэд агаар, салхинд хүүхдүүдээ дагуулан утаанаас зайдуу гарч буй иргэдийг зэрлэг амьтныг үргээхгүй, хэт ойртохгүй, нохойгоо сул тавихгүй байхыг анхааруулж байна. Нийслэлийн Байгаль орчны газраас тухайн зэрлэг амьтдад идэш тэжээлийн дэмжлэг үзүүлэх биотехникийн арга хэмжээг авч, өөрийн зөнгөөр гарах хүртэл ажиглалт, мониторинг хийж байгаа аж.

Мөн хот орчимд гэмтэж бэртсэн амьтантай таарвал ажлын цагаар нийслэлийн Байгаль орчны газрын 11-323780, ажлын бус цагаар Нийслэлийн Шуурхай удирдлага, зохицуулалтын төвийн 11-310005 дугаарын утсаар мэдээлэл өгөх боломжтой юм.