–"News agency" өнгөрсөн долоо хоногийн онцлох ярилцлагуудаа хүргэж байна.-

Монгол Улсын Ерөнхийлөгч, УИХ-ын дарга, Ерөнхий сайд, УИХ-ын гишүүд, Засгийн газрын гишүүд, Хотын даргаас авахуулаад төрийн ажил хариуцаж байгаа хэн бүхний ажлын цагийн талаар бид ярилцах болно. News.mn сайтын энэ удаагийн "АЖЛЫН ЦАГ" нэвтрүүлэгт УИХ-ын гишүүн Ц.Туваан оролцож байна.

https://fb.watch/pQ0KaDeF92/

Р.ШИНЭГЭРЭЛ: МОНГОЛЧУУД САНГУУДАА "ТОНОЖ" БАЙНА

Эдийн засагч Р.Шинэгэрэлтэй ярилцлаа.

-Гадаадын өрийн хэмжээг АН,МАН засаглаж байхдаа нэмэгдүүлсэн гээд маргаантай асуудал тогтмол гардаг. Одоогийн байдлаар Монгол Улсын гадаад өрийн хэмжээ хэдэн ам.долларт хүрчихээд байна вэ?

-Гадаад өрийн асуудал Монгол банк, Сангийн яам гэх мэт мөнгө санхүүтэй холбоотой төрийн байгууллагуудын вебсайт дээр нээлттэй байдаг мэдээлэл. Үүн дээр маргаад байх зүйлгүй.Тухайлбал, 2012 оны төгсгөлөөр Засгийн газрын өр 4.9 орчим тэрбум доллар байсан. Тэгвэл 2023 оны эцсээр  Засгийн газрын өр 8.1 тэрбум орчим долларын өрийн үлдэгдэлтэй байна. Өөрөөр хэлбэл, МАН засагласан сүүлийн 8 жилд бол Засгийн газрын 3 орчим тэрбум доллароор өссөн гэсэн үг. Энэ бол маш өндөр дүн. Мэдээж өр төлөлтийг хойшлуулах, магадгүй хүүг нь бууруулж дахин санхүүжүүлэх ажил хийсэн.  Гэхдээ бодит дүнгээрээ Засгийн газрын гадаад өр өсчихсөн байна. Гэтэл хэдхэн хоногийн өмнө  л хуулиа өөрчлөөд нийслэл Улаанбаатар хот дахиад 500-600 сая ам.долларын өр тавих гэж байна.  Энэ бол Засгийн газрын гадаад өрийн хэмжээг нэмэгдүүлж байна гэсэн үг. Өөрөөр хэлбэл, хуулиа өөрчлөөд л өрөө нэмээд байдаг. 

"БЭЛЭН МӨНГӨ ТАРААСНЫГ ИЛЧИЛВЭЛ УРАМШУУЛАЛ ОЛГОНО"

Сонгуулийн ерөнхий хорооны хуульч, судлаач Д.Бат-Эрдэнэтэй ярилцлаа.

-Сонгуулийн жил эхэлснээс хойш элдэв бэлэг сэлт, эд зүйл тараахыг хориглодог. Намрын чуулган завсарласан энэ үед УИХ-ын гишүүд тойрогтоо очиж ажлыгн тайлангаа тавьдаг. Энэ үйл явц хуулиар хориотой юу?

-Сонгогчийн санал татах зорилго агуулсан бол уралдаан, тэмцээн, баяр, наадам элдэв янзын үйл ажиллагаа явуулахыг хориглоно. Харин сонгогчийн санал татах зорилго агуулаагүй бол хориглохгүй.  Одоо бүрэн эрх нь хэрэгжиж байгаа УИХ-ын гишүүдийн хувьд сонгогчиддоо ажлын тайлангаа тавих үүрэгтэй. Тиймээс тайлангийн сэтгүүл, тараах материал тарааж болно. Харин тайлангийн сэтгүүлтэй хамт элдэв бэлэг сэлт, эд материал тарааж болохгүй.  Энд бас нэг зүйлийг тодотгоод хэлэхэд, УИХ-ын гишүүд төсөвт тусгагдсан арга хэмжээ эмнэлгийн тоног, төхөөрөмж, автомашин зэргийг шинэчлэх бол хууль зөрчсөн үйлдэлд орохгүй.

Дэлгэрэнгүй ярилцлагыг уншихыг хүсвэл энд дарна уу.