Туркийн парламентын гишүүд Шведийн НАТО-д элсэх хүсэлтийг өнгөрсөн Мягмар гаригт баталсан.  Тодруулбал, Туркийн парламент Шведийн гишүүнчлэлийг хэлэлцэхэд хууль тогтоогчдын  287 нь дэмжиж, 55 нь эсрэг санал өгсөн байна. Тэгвэл ерөнхийлөгч Режеп Тайип Эрдоган Пүрэв гаригт гарын үсэг зурснаар Шведийн хүсэлт эцэслэн батлагдав.

Өдгөө Шведийн НАТО-д элсэх хүсэлтийг зөвшөөрөх сүүлчийн орон нь Унгар болоод байна. Унгарын ерөнхий сайд Виктор Орбан Лхагва гаригт НАТО-ийн Ерөнхий нарийн бичгийн дарга Йенс Столтенбергтэй утсаар ярьж, Шведийн гишүүнчлэлийг дэмжиж байгаагаа илэрхийлжээ. "Бид Унгарын Үндэсний ассамблейг Шведийн талд санал хураалт явуулах, боломж гармагц соёрхон батлах үйлдлээ дуусгахыг уриалсаар байх болно" гэж Орбан хэлсэн байна.

Дашрамд дурдахад, НАТО-д элсэхийн тулд эвслийн гишүүн 31 орон бүгд дуу нэгтэйгээр тухайн улсын гишүүнчлэлийг хүлээн зөвшөөрөх ёстой.

Эх сурвалж: THE HILL