Хөндөх сэдэв: Толь шиг зам дээр хичээж явсан ч бэртэж гэмтэж байна

Нийслэлд өвөлжих тун амаргүй. Автомашинтай байтугай явган алхахад ч эрсдэлтэй. Гудамж талбай, зам нь толь шиг мөстөж, хичээж явсан ч бэртэж гэмтэх гээд байгааг иргэд хэлж байгаа юм. Өвлийн улиралд автомашинууд хооронд шүргэлцэх, мөргөлдөх осол цөөнгүй гардаг. Иргэдийн хувьд ч явганаас унаж бэртэх тоо огт буурдаггүй.

Гэмтэл согог судлалын үндэсний төвийн мэдээллээр өнгөрсөн 2023 онд нийт 8548 хүн бэртэж, гэмтэн эмнэлэгт хандсан байна.

Харин 2024 онд нэгдүгээр сарын 1-22-ныг дуустал нийт халтиргаа гулгааны улмаас бэртэж гэмтсэн хүний тоо 2015 хүрсэн гэдгийг эмч мэргэжилтнүүд онцолж байгаа юм.

Иргэдийн зүгээс “Гудамж талбай, зам дээр тогтмол халтиргаа гулгаанаас сэргийлэх давс, бодис цацахгүй байна” гэж бухимддаг. Гэвч албаныхан шөнөжин нойр хоолгүй давс бодис, хайрга дайрга цацаж байгаагаа учирладаг. Монголд анх удаа өвөл болоогүй. Жил бүр давс бодисны хэрүүл хийж, талцдаг болсон нь үнэн. Жолооч нарын хэлснээр хотын төв гэхээсээ илүүтэйгээр захын гэр хорооллын зам, уулзвар, тойргууд дээр халтиргаа, гулгаа ихээр үүсч тэнд л жолооч нарын жинхэнэ анхаарал, ур чадварыг шалгаж байна.

Ойрын өдрүүдэд халтиргаа гулгаанаас шалтгаалсан зам тээврийн ноцтой осол аваар гарлаа. Халтиргаа гулгаа ихтэй үед хөдөлгөөний аюулгүй байдлыг ханган замын хөдөлгөөний дүрмийг мөрдөн, хурдаа тохируулж хөдөлгөөнд оролцохыг цагдаагийн байгууллагаас анхааруулсан. Тодруулбал, Сүхбаатар дүүргийн наймдугаар хороо Хөгжим, бүжгийн коллежийн урд талын замд өчигдөр /2024.01.24/ 12:40 цагийн үед Приус-20 маркийн автомашин осол гаргаж, гарцаар гарч байсан хүмүүс гэмтжээ. Тээврийн цагдаагийн албанаас дуудлага, мэдээллийг шалгахад 22 настай, эрэгтэй “Toyota prius” маркийн тээврийн хэрэгслээр замын хөдөлгөөнд оролцох үедээ явган хүний гарцаар гарч байсан гурван явган зорчигчийг мөргөж, ослын улмаас тээврийн хэрэгсэл онхолдсон зам тээврийн осолд мөрдөн шалгах ажиллагааг явуулж байгаа юм.

Албаныхны мэдээлж байгаагаар өдөрт заавал хэдэн тонн давс, бодис цацна гэж хатуу төлөвлөхгүй ч замын халтиргаа гулгаа, ачаалал хэр байгаагаас шалтгаалан давс, бодисоо цацдаг гэдгийг мэдээлж байсан. Жишээлбэл, цас орж, халтиргаа гулгаа ихтэй байвал 40-60 тонн давс, бодис цацдаг бол цаг агаар тогтвортой үед 10-20 тонныг цацдаг гэсэн. Харин БНХАУ-аас худалдан авсан -45 хэмд хайлдаг бодисын хувьд халтиргаа гулгаа ихтэй уулзваруудад цацаж байгаа гэсэн юм.

Мөн гэр хороолол, хотын төв хэсгээр ялгавартай байдлаар зам дээр давс цацна гэж байхгүй. Гэр хороолол, зуслангийн зам дээр яагаад халтиргаа гулгаа их байна вэ гэхээр, тэнд автомашины хөдөлгөөн харьцангуй бага учраас давс, бодисны хайлалт муу байдаг. Хөдөлгөөн их байх тусам давс, бодис хурдан хугацаанд хайлдаг гэж тайлбарлаж байв.

12 сэтгэгдэл

Хариулахаа болих

Мөнхнасан 2024-01-25 103.57.93.218

Патролын пр-аа зогсоогоорой.ийм мөсөн дээр хальтардаг патрол гэж байдаггүй байгаа шүү

Хариулах

Нэргүй 2024-01-25 213.87.150.160

Харуулах боломжгүй.

Иргэн 2024-01-25 202.179.26.42

Дарга нар удирдлагууд давс цацаж, мөс хагалж, цас цэвэрлэхийг хүлээгээд энгийн бид татвараа төлсөн та нар хий гээд загнаад суух сайхан байнаа. Энгийн ард иргэдэд үүрэг хариуцлага, ухамсар, сэтгэл байхгүй. Дарга нарт зөв шийдвэр, өгсөн үүрэг даалгаврын биелэлтэд хяналт тавих ухаан байхгүй. Урагшгүй ноёнд ухаангүй албат. Нийтээрээ бид амаа билүүдэх хэлээ сайн хөгжүүлжээ.

z 2024-01-25 45.117.35.16

Хотоор нэг гялгар толь шиг хавтан. тэр хараагүй хүнд зориулсан яг замын голоор хорлонтой хийсэн заваан шар хавтан байна. нүдтэй байтугай хүн ч савж унахаар. Бүгдийг нь хуулж хаяад аюулгүй хавтангаар сольвол таарна. Соц үеийн саарал хавтангууд царай муутай ч зуурамтгай хамаагүй сайн байж.

МАНин хулгайчуудын гай 2024-01-25 66.181.160.77

МАНингууд явган зам байхгүй болтол нь газрыг нь зарчихсан, байсан жаахан явган замыг нь хуулаад гөлгөр х***а хавтан тавьчихсан тэндээс мөнгө л идэж байгаа өөр зорилго байхгүй, авто зам нь давс бодит цас цэвэрлэх юмгүйгээс битүү мөсөн бүрхүүл. псдаа МАН хулгайчуудын гай үнэхээр барагдахгүй юм

Нэргүй 2024-01-25 66.181.191.209

Timberland авч өмс.

Зочин 2024-01-25 103.212.117.214

10 мянган хун бэртсэн байна Арав хорин жилийнидараа бэртэл авч байсан хумуус ясны элдвийн овчин тэр байтугай ясны хавдартай болох магадлал их ондор Давс цацах зам цэвэрлэх эноийн пжлууд ийм гунзгий утга агуулга ач холбогдолтой

Нэргүй 2024-01-25 43.228.128.226

Коммент дээр зураг оруулж болдог байвал сайн байна – байнга унаагаар явдаг дарга нар зам харгуй ямар байгааг мэдэхгүй амьдралаас тасархай байнав Байдал ямар байгааг биеээрээ мэдрэхгүй юмаа гэхэд ядаж бодит байдлыг зургаар өнгөтөөр харуулахаар авсан зургаа оруулж болохгүй байгаа тул энд ЗУРАГ ОРУУЛДАГ БОЛГООРОЙ!!!

иргэн 2024-01-25 66.181.191.176

Нийслэлийн Засаг дарга Нямбаатар иргэдийнхээ Эсрэг үйл ажиллагаа явуулаад байхаас биш Зам, Цас мөс арилгах, Утаа багасгах гээд Нийслэлчүүдын төлөө юу ч хийсэнгүй, Нийслэлд маш ноцтой , Хүний амь эрсдсэн, олон Айл өрхүүд орох оронгүй болчоод байхад Хотын дарга Иргэд дээ хандаж Харамслаа илэрхийлсэн ч үгүй, Нийслэлчүүд бидэнд ийм Харгис дарангуйлагч хэрэггүй, Нямбаатар Огцор,

Нэргүй 2024-01-25 66.181.182.83

Дүүргийн ЗД нарын хийх ажил л даа.

Zochin 2024-01-25 126.47.107.114

Уулзвар дээр машин гэрлээр зогсох зураас явган хүний гарцнаас 10 м хол байдаг юм байна гадаадад. Манайд бараг гарцнаас 1-2 м байдаг. Энэ зайг 10 -12 м болговол ядаж явган хүн гарцаар гарахад
Аюул багасна.