Есөн настай хүүхдээ үл тоож, хоёр жил ганцааранг нь амьдруулсан франц ээж өнгөрсөн долоо хоногт 18 сарын хорих ял авчээ. Хүү 2020-2022 оны хооронд Францын баруун өмнөд хэсгийн Нерсак хотын Шаренте дүүрэг дэх гэртээ ганцаараа амьдарсан. Энэ хугацаандаа тэрээр лаазалсан хүнсний бүтээгдэхүүн, боов талх, хулгайлсан улаан лооль зэргээр амь зогоож байсан бололтой.

Харин ээж нь энэ хооронд гэрээсээ таван км зайд өөр байранд хамтран амьдрагчтайгаа амьдарч байжээ. Тэрээр хүү дээрээ үе үехэн очдог байв.

Нерсак хотын захирагч Барбара Кортюрьерийн хэлснээр хүү ихэнхдээ халуун ус, халаалтгүй нөхцөлд амьдарч байжээ. Тэр бүү хэл энэ хугацаанд хичээл сургуулиа нэг ч таслалгүй, онц сурч байсан гэв.

Ээж нь орон нутгийн захиргаанаас хүнсний тусламж гуйснаар орон нутгийн цагдаа нар энэ хэргийг анх мэджээ. "Би тэр ээжтэй 2022 оны тавдугаар сард анх уулзаж байсан. Тэр санхүүгийн асуудалтай байгаагаа ярьсаар бидэн дээр ирсэн. Бид түүнд хүнсний талон өгсөн. Харин тэр энэ талоноор дандаа боловсруулсан хүнс авсан байсан нь сэжигтэй санагдсан юм. Тэр айлд хүүхэд ганцаараа амьдраад байна гэж зарим оршин суугч хэлсэн. Тиймээс би энэ хоёр хүчин зүйлийг холбон бодож үзээд, цагдаатай холбогдсон юм" гэж Барбара Кортюрьер хэлжээ.

Хүүхэд 2022 оны есдүгээр сарын 22-ноос хойш холбогдох байгууллагууд халамжиндаа авсан байна.

Эх сурвалж: CNN