Хойд Солонгос улс энэ долоо хоногт усан доорх цөмийн зэвсгийн систем туршив. Цөмийн зэвсэгтэй гэгддэг усан доорх нисгэгчгүй онгоцыг зүүн эргийн усанд туршжээ.

Энэ нь АНУ, Өмнөд Солонгос, Японы хамтарсан цэргийн сургуулилалтын хариу үйлдэл юм. Гурван улсын хамтарсан сургуулилалтыг Хойд Солонгос бүс нутгийг тогтворгүйтүүлж, аюулгүй байдалд нь заналхийлсэн үйлдэл гэж мэдэгджээ.

Хойд Солонгос улс он гарсаар цэргийн ажиллагаагаа тасралтгүй эрчимжүүлж байна. Тэр дундаа өнгөрсөн Ням гаригт хатуу түлшээр ажилладаг дунд тусгалын шинэ баллистик пуужингаа туршсан. Үүний зэрэгцээ удирдагч Ким Жон Уны үг хэллэг ч улам түрэмгий болжээ. Тухайлбал, энэ долоо хоногийн эхээр тэр Өмнөд Солонгостой дахин нэгдэх зорилго бүрэн дууссан гэж зарлаад тус улсыг “үндсэн дайснаа” гэж тодорхойлсон.

“Haeil” систем буюу усан доорх цөмийн зэвсэгт нисгэгчгүй нисэгчгүй онгоцуудыг Хойд Солонгос өнгөрсөн оны гуравдугаар сараас туршсан. “Haeil” гэдэг нь солонгосоор цунами гэсэн утгатай. Энэ зэвсэг нь усан хилд сэм нэвтэрч, усан дор томоохон дэлбэрэлт үүсгэж чаддаг аж.

Эх сурвалж: BBC