"Бидний асар их баялагт татвар ногдуулна уу"

"Бидний асар их баялагт татвар ногдуулна уу"

"Бидний асар их баялагт татвар ногдуулна уу"

Швейцарийн Давос хотноо жил бүр болдог Дэлхийн эдийн засгийн чуулган 15-19-ний өдрүүдэд үргэлжилж байна. Чуулганд оролцож буй тэргүүлэгч эдийн засагтай орнуудын сонгогдсон төлөөлөгчдөд хандан дэлхийн 250 гаруй саятан, тэрбумтнууд татвар нэмэхийг уриаллаа.

Тодруулбал, баячууд өөрсдөө "Бидний асар их баялагт татвар ногдуулна уу" гэсэн хүсэлт тавьж, нээлттэй захидалд гарын үсэг зурцгаажээ.

Тэдний нээлттэй захидалд "Хэт их баялгаас хэзээ татвар авах вэ гэж гурван жил асууж байна. Энэ энгийн асуултад хариулж чадахгүй байгааг бид гайхаж байна. Бидний хүсэлт маш энгийн. Нийгмийн хамгийн баян хэсэг буюу биднээс татвар авахыг хүсч байна. Ингэлээ гээд бидний амьжиргааны түвшин өөрчлөгдөхгүй, үр хүүхдүүд маань хохирохгүй, улсын эдийн засагт сөргөөр нөлөөлөхгүй. Харин ч үр ашиггүй хувийн эд хөрөнгийг ардчилсан ирээдүйн төлөөх хөрөнгө оруулалт болгоно" гэж бичжээ.

"Илүү ихийг төлж байгаадаа бахархаж байна" гэсэн гарчигтай уг захидалд Диснейн өв залгамжлагч Абигайл Дисней, кино зохиолч Саймон Пегг, АНУ-ын алдарт гэр бүлийн өв залгамжлагч Валери Рокфеллер нарын хүмүүс гарын үсэг зурсан байна.

"Оксфам" байгууллага саяхан дэлхийн хамгийн баян таван хүний хөрөнгө 2020 оноос хойш хоёр дахин өссөн гэж мэдэгдсэн. Мөн ирэх 10 жилийн дотор дэлхийн анхны их наядтан гарч ирж магадгүй гэсэн юм. Хэрэв энэ чиг хандлага хэвээр үргэлжилбэл ядуурал дахин 229 жил устахгүй гэжээ.

"Succession" шоуны зохиомол тэрбумтан Логан Ройн дүрийг бүтээсэн жүжигчин Брайан Кокс энэ талаар үзэл бодлоо илэрхийлжээ. "Тэрбумтнууд улс төрийн эрх мэдэл, нөлөөгөө тэлэхийн тулд асар их баялгаа ашиглаж, ардчилал болон дэлхийн эдийн засгийг сүйрүүлж байна. Сонгогдсон албан тушаалтнууд мөнгө, эрх мэдлийн төвлөрлийг арилгахгүй бол үр дагавар нь аймшигтай байх болно" гэв.

"Их-20"-ийн гишүүн орнуудын 2300 гаруй саятан, тэрбумтан оролцсон саяхны судалгаагаар баячуудын олонх нь өөрсдөөс нь өндөр татварыг авахыг дэмжиж байгаагаа илэрхийлжээ. Судалгаанд оролцогчдын 74 хувь нь амьжиргааны өртгийн хямралыг шийдвэрлэх, төрийн үйлчилгээг сайжруулах зорилгоор баялгийн татварыг нэмэгдүүлэхийг дэмжиж байна гэсэн. Мөн 75 хувь нь тэрбумтнуудад хоёр хувийн баялгийн татвар ногдуулахыг дэмжжээ. Талаас илүү буюу 54 хувь нь баялгийн хэт төвлөрөл ардчилалд заналхийлж байна гэсэн байр суурийг илэрхийлсэн байна.

Эх сурвалж: CNBC

Энэ мэдээнд өгөх таны сэтгэгдэл?
8
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Нэргүй 2024-01-18 59.153.112.28

Манай баячуудаас шал өөр баячууд бн даа. атаархмаар.

Avatar

Нэргүй 2024-01-18 101.114.15.99

Ямар нэгэн дарамтгүйгээр тэд ингэж хэлнэ гэж байхгүй. Улстөрийн дарамт их байгаа байх. Америкийн улстөрчид дайнаа санхүүжүүлэх арга хайж ийм юм сэдсэн байлгүй

Avatar

Нэргүй 2024-01-18 66.181.179.243

ГАР УТАС ИНТЕРНЕТ АШИГЛАХ АА БОЛИОЧ ЧИ ИМПЕРИАЛИЗМЫГ ДЭМЖЭЭД БАЙХИЙН ККК МАЛ

Avatar

Нэргүйбаатар 2024-01-18 202.9.46.210

Шал мангар юмнууд. Манай баячууд шиг татварын өршөөл үзүүл, гаалийн татвараас чөлөөл, цахилгаан эрчим хүчний шөнийн хөнгөлөлт үзүүл гэх мэтчлэн жагсахгүй, биднээс их татвар ав гээд жагсаад байхдаа яахав. Шааал тэнэг юм.

Avatar

Нэргүй 2024-01-18 188.162.254.108

би маш сайн санаж байна Уих гээч худалч хулгайч з**х*й эмс шургалсан байгуулага нэг удаагийнхаа ажиллагаагаараа 76 худалч хулгайч нарын 75 худалч хулгайч з**х*й эмсийн ирцтэйгээр тэр бумаас дээш татварын ортэй аж ахуйн нэгжийн татварыг 100% саналаар тэглэж байсан!!!!!!ийм татварын ийм их орийг жирийн ААН хэзээ ч гаргах боломжгуй!!!!!дээдэх нь суудалаа олоогуй бол доодох нь хэзээ ч гуйдэлээ олдоггуй гэж Уих гээч худалч хулгайч з**х*й эмс шургалсан байгууллагыг тараая !!!!!!!!!!!

Avatar

ШУДРАГА БУС ТАТВАРЫН ТОГТОЛЦОО 2024-01-18 202.179.25.203

МАНАЙ БАЯЧУУД ЭСРЭГЭЭРЭЭ…. ТАТВАРЫН ХӨНГӨЛӨТ ЭДЛЭХ ГОЛ ЗОРИЛГОТОЙ ЛОББИ ХИЙДЭГ БӨГӨӨД БАЙНГА ТАТВАРАА ХӨНГӨЛҮҮЛЖ ИРСЭН. .. НӨАТ БОЛОН ХУДАЛДААНЫ ТАТВАРУУДЫГ ЭДЛЭХЭЭРЭЭ НЭГ БОЛСОН… .ОНЦГОЙ БОЛОН АМНАТ ГЭХЧИЛЭН ТАТВАРУУДЫГ ЯРИХ Ч ЮМ БИШ… ҮНЭН ЧАНАРТАА ТАТВАРЫН ХӨНГӨЛТИЙГ ТЭД ЭДЛЭЖ, ХАРИН ОРЛОГО БАГАТАЙ ИРГЭД НЬ ТАТВАРЫН ОРЛОГЫН ЗӨРҮҮГ ТӨЛСӨӨР ӨНӨӨДРИЙГ ХҮРСЭН ГЭСЭН ҮГ…

NewsMN Гар утасны хувилбар Татах
NEWS.mn

Мэдээллийн эх сурвалж