УИХ-ын тогтоолын дагуу Засгийн газраас сонгуулийн тойргуудад “Бүсчилсэн хөгжлийн форум-2024” зохион байгуулах болсон талаар төр, хувийн хэвшлийн төлөөлөл мэдээлэл өглөө. 

“Ард” санхүүгийн нэгдлийн захирал Ч.Ганхуяг: 

УИХ-ын тогтоол гарч, холбогдох газруудад үүрэг чиглэл өгсөн. Монгол Улсад бүгчилсэн хөгжлийн үзэл баримтлал гэж яригдаад хориод жил болсон. Гэхдээ бүсчлэн хөгжүүлэх талаар бодлого газар дээрээ хэрэгжсэн зүйл туйлын бага байсан. Бид төр, хувийн хэвшлийн хамтын ажиллагааны үр дүнд олон жил яригдсан асуудлыг нэг газраас хөдөлгөнө. Бүсчилсэн хөгжлийн зөвлөгөөнийг сонгуулийн тойргуудаа дагуулаад, хийхээр болж байна. Монгол Улс Баруун, Зүүн, Төв, Хангай, Говийн бүсэд хуваагдсан. Улаанбаатар хот бол өөрөө Үндсэн хуульд заасан нийслэлийн статустай учраас дөрвөн бүсэд хуваан сонгууль явагдана. Өмнө нь улс төрийн намууд нэг аймгийн хүрээнд шийдэл дэвшүүлдэг байсан бол өнөөдөр бүх асуудлыг томоор харах зайлшгүй шаардлага үүсэж байгаа.

Засгийн газрын Хэрэг эрхлэх газрын дарга Д.Амарбаясгалангийн ахлах зөвлөх Ү.Амарбат:

-УИХ-ын 2024 сонгуулиар 21 аймгийг долоон тойрогт хувааж байгаа. Монгол Улс цаашдаа зургаан бүсчлэлээр хөгжих нь зүйтэй үзсэн. Үүнийгээ сонгуулийн тойрогтой уяж буйтай холбогдуулаад, улс төрийн намуудын сонгуульд дэвшүүлж буй мөрийн хөтөлбөр илүүтэй бүсчилсэн хөгжил рүү чиглэнэ. Парламетын гишүүд аль нэг аймгийн гэхээс илүүтэй бүсчилсэн хөгжлийн бодлого барьж, бодлого шийдвэр гаргах ийм агуулга руу явж байна. Бүсчилсэн хөгжлийн бодлогыг илүү тодорхой болгох, түүний төрийн бодлого, шийдвэрүүдэд бодитой тусгаж явах үндсэн суурь арванхоёрдугаар сард батлагдсан зургаан бүсийн дүр зургаар бүтэн гарч ирлээ. Засгийн газар, “Монголын эдийн засгийн форум” ТББ-тай хамтраад, 2024 оны хоёрдугаар сарын 1, 2-нд өвлийн эдийн засгийн форумыг бүсчилсэн хөгжил сэдвээр зохион байгуулахаар боллоо гэв.