“Монголын хөрөнгийн бирж” ХК-иар дамжуулан нүүрсийг нээлттэй цахим арилжаагаар арилжаалж эхэлснээс хойш нэг жил болж буй аж. Энэхүү нэг жилийн хугацаанд Монголын хөрөнгийн биржээр дамжуулан нийт 15.1 сая тоон нүүрсийг 7.4 их наяд төгрөгөөр арилжаалсан байна.

Засгийн газар 2022 оны арванхоёрдугаар сарын 14-нд Экспортод гаргах нүүрсний нээлттэй цахим арилжааны журмыг баталж, нүүрсний арилжааг Монголын хөрөнгийн биржээр явуулах шийдвэр гаргаж байсан юм. Тус шийдвэрийн дагуу Монголын хөрөнгийн бирж 2023 оны нэгдүгээр сарын 12-нд анхны цахим арилжааг зохион байгуулсан.

Дуудлага арилжааны ханш дунджаар 10.7 хувиар өссөн бол худалдагч компаниуд ханшийн зөрүүнээс нийт 529.7 тэрбум төгрөгийн нэмэлт орлого олжээ.