Өмнөд Солонгосын нэрт дуучин "Rain" болон түүний эхнэр жүжигчин Ким Тэ-хи нарыг мөшгисөн эмэгтэйд Сөүлийн шүүх зургаан сарын хорих ял оноолоо. 49 настай эмэгтэй "Rain", Ким Тэ-хи нарыг удаа дараалан дагаж, мөшгисөн байна.

Сөүлийн Ёнсан дүүрэг дэх "Rain"-ы гэрийн хонхыг эмэгтэй олон удаа дарсан бөгөөд 2021 оноос хойш 10 гаруй удаа иймэрхүү үйлдэл гаргажээ. Эдгээр үйлдлийнхээ төлөө тэр цагдаагаас гурван ч удаа хүнд гэмт хэргийн сэрэмжлүүлэг хүлээж авсан. Эцэст нь 2022 оны сүүлээр хосын хаалганы хонхыг дахин дарсныхаа дараа яллагдагчаар татагдсан байна.

Сөүлийн шүүх эмэгтэйд зургаан сарын хорих ял оноосноос гадна дахин гэмт хэрэг үйлдэх магадлалтай гэж үзсэний үндсэн дээр 40 цагийн эмчилгээний хөтөлбөрт хамрагдахыг тушаажээ.

Эх сурвалж: YONHAP