Прокурорын байгууллага 2024 оны нэгдүгээр сарын 02-ноос 05-нд шүүхээр шийдвэрлэгдсэн хэрэгт шинээр илэрсэн нөхцөл байдлыг шалгуулахаар 2, ял эдлүүлэх ажиллагаатай холбоотой 4,  эрүүгийн болон зөрчлийн хэрэг хянан шийдвэрлэх ажиллагааны талаар гаргасан 289 гомдол, хүсэлтийг шинээр хүлээн авсан байна. Нийт 973 гомдол, хүсэлтийг хянажээ.

Үүнээс 255 гомдол, хүсэлтийг шийдвэрлэж, холбогдох арга хэмжээг авсан бол одоо прокурорт 718 хянагдаж байгаа аж.

Дээрх хугацаанд Нийслэлийн нэг цэгийн үйлчилгээний Дүнжингарав, Мишээл салбар дахь “Прокурорын байгууллагын нэг цонхны үйлчилгээ үзүүлэх төв”-үүд 15 иргэний өргөдөл, гомдлыг хүлээн авч харьяа прокурорын газарт нь шилжүүлж, прокурорын байгууллагын чиг үүрэг, үйл ажиллагаатай холбоотой зөвлөгөө мэдээллийг 22 иргэнд өгч ажиллажээ.