Улаанбаатар смарт карт компаниас автобусаар хөнгөлөлттэй зорчих оюутны картыг түдгэлзүүлэх шийдвэр гарсан талаар мэдэгдлээ. Тодруулбал, өнгөрсөн оны долдугаар сарын 7-нд батлагдсан Боловсролын тухай хуулийн шинэчилсэн найруулгад "43.2.5. нийтийн тээврийн хэрэгслээр хичээлдээ явах зайлшгүй шаардлагатай сурагч, оюутны нийтийн тээврийн хэрэгслээр зорчих зардлын 50 хүртэл хувьтай тэнцэх хэмжээний нөхөн олговрыг аймаг, нийслэлийн иргэдийн Төлөөлөгчдийн Хурлаас тогтоосон журмын дагуу олгох" гэсэн заалт хасагдсантай холбоотой 2024 оноос эхлэн хөнгөлөлттэй зорчих боломжгүй болоод байгаа аж. Үүнтэй холбогдуулан холбогдох байгууллагууд зохицуулалт хийхээр ажиллаж байгаа гэлээ.

Оюутны картын хөнгөлттэй зорчилтыг түр зогсоох шийдвэрийг Нийслэлийн нийтийн тээврийн газраас Улаанбаатар смарт карт компанид хоёр хоногийн өмнө хүргүүлсэн байна.

Боловсролын тухай хуулийн 43.2.5. нийтийн тээврийн хэрэгслээр хичээлдээ явах зайлшгүй шаардлагатай сурагч, оюутны нийтийн тээврийн хэрэгслээр зорчих зардлын 50 хүртэл хувьтай тэнцэх хэмжээний нөхөн олговрыг аймаг, нийслэлийн иргэдийн Төлөөлөгчдийн Хурлаас тогтоосон журмын дагуу олгох гэсэн заалтын дагуу оюутнууд 2016 оноос эхлэн сар бүр 22 удаа үнэгүй зорчиж байв. Засгийн газрын 2023 оны “Оюутны талаар авах зарим арга хэмжээний тухай” 111-р тогтоолын дагуу Оюутнуудын нийтийн тээврийн картаар зорчих эрхийг 22 байсныг 44 болгож, мөн "И-Монголиа" цахим платформыг ашиглан оюутнууд цахимаар захиалга өгөх боломжтой болсон. Харин 2023 оны долдугаар сард батлагдсан Боловсролын тухай хуулийн шинэчилсэн найруулгад 43.2.5 энэхүү заалтыг хассан учраас 2024 оноос эхлэн хөнгөлөлттэй зорчих боломжгүй болоод байгаа юм.

Оюутны хөнгөлөлттэй зорчих картын эрхийг түр зогсоосон бөгөөд шийдэл, арга хэмжээ авах боломжтой гэсэн үг гэдгийн албаныхан онцоллоо.

Улаанбаатар смарт карт компаниас тодруулахад, Нийтийн тээврийн газраас асуух нь зүйтэй. Дээрх шийдвэрийн талаар өмнө нь мэдэгдэх ямар ч боломж байгаагүй. Нэгдүгээр сарын 3-ны орой ирүүлсэн албан бичигтээ 01/01-ний өдрөөс оюутны картын хөнгөлөлттэй зорчилтыг түдгэлзүүл гэсэн байсан. Мэдэгдэл дээр тодорхой бичсэн байгаа гэлээ.