Монгол Улсын Гавьяат тамирчин, сонирхогчдын боксын олимп, дэлхийн мөнгөн медальт Н.Төгсцогтыг хар тамхины хэргээр саатуулан, шалгаж байна. Цагдаагийн ерөнхий газрын Хар тамхитай тэмцэх албаны алба хаагчид арванхоёрдугаар сарын 28-ны өдөр Н.Төгсцогтыг нийслэлийн Сүхбаатар дүүргийн нутаг дэвсгэрээс сэтгэцэд нөлөөлөх бодис хэрэглэсэн байж болзошгүй үндэслэлээр саатуулан, хэргийг шалгаж байгаа гэх мэдээллийг Цагдаагийн ерөнхий газраас өглөө.

Түүний хувьд 2014 оны намар АНУ-ын Лос-Анжелесыг зорьж, сонирхогчдын боксын рингэнд хүч үзэх болсон. Клубынх нь залуус түүнийг King Tug гэж хочилдог. Тэрбээр “Хэн нэгэн намайг битгий буруутгаасай гэж хүсч байна. Мэргэжлийн спорт гэдэг ямар ч тамирчны хувьд том боломж, том завшаан байдаг шүү дээ” гэж Н.Төгсцогт хожим ярьсан байдаг. Н.Төгсцогт 17-хон настайдаа дэлхийн аваргаас медаль зүүж, 20 настайдаа Лондонгийн олимпийн рингэнд аваргын төлөө өрсөлдөж байв.