Шинэ оны босгон дээр Ардчилсан намын шинэ Нарийн бичгийн дарга нар томилогдсон юм. Тэгвэл шинээр томилогдсон Нарийн бичгийн дарга нарын товч танилцуулгыг хүргэж байна.  Тэд хаана боловсрол эзэишиж, ямар ажлын туршлага хуримтлуулсан нь олны анхаарлын төвд байна. Иймд шинээр томилогдсон нарийн бичгийн дарга нарыг танилцуулж байна.

1. Ардчилсан намын Бизнес хөгжил, технологи, инноваци хариуцсан Нарийн бичгийн дарга Норовсамбуугийн Гансүх LL.B, LL.M, Төрийн удирдлагын доктор (Ph.D.) Тэрбээр, 2016 онд Ардчилсан намд элссэн байдаг. Түүнийг олон нийт MongolHD "Apprentice Mongolia" шоуны шилдэг оролцогч гэдгээр нь түлхүү мэддэг гэхэд хилсдэхгүй.

Боловсрол:

• БНХАУ-ын -АУИС Анагаах ухааны бакалавр
• ЭЗШУИС -Анагаах ухааны магистр
• Шихихутуг- Дээд сургууль Эрх зүйн бакалавр
• Шихихутуг- Дээд сургууль Хууль зүйн ухааны магистр
• МУЭИС- Төрийн удирдлагын доктор Ph.D.

Ажлын туршлага:

• 2012-2016 он Grand Med эмнэлэг Их эмч, үеийн мэс заслийн тасгийн мэс засалч
• 2016-2017 он Эрүүл мэнд, спортын яамны сайдын ажлын алба, хэвлэлийн төлөөлөгч, зөвлөх
• 2017-2019 он Монос групп, Бэл холдинг Экспорт гадаад худалдаа эрхэлсэн захирал
• 2019-2020 он МҮХАҮТ Австрали Улс дахь итгэмжлэгдсэн төлөөлөгч
• 2020-2022 он TTC&T, Тахилт хайрхан транс Тэргүүн дэд захирал
• 2023-2023 Тахь Ресурс ХК-ийн Дэд захирал

Сонгуульт ажил:

• Ардчилсан намын даргын дэргэдэх бизнес зөвлөлийн тэргүүн
• АН-ын стратеги бодлого судалгааны хүрээлэнгийн ажлын албаны дарга
• УИХ дахь АН-ын Бүлгийн орон тооны бус зөвлөх

2.Ардчилсан намын боловсролын асуудал хариуцсан Нарийн бичгийн дарга Энхтайваны Энхпүрэв томилогдсон юм. Түүний хувьд 12 настайдаа их сургуульд элсэж, 24 насандаа Боловсрол судлалын докторын зэрэг хамгаалж байсан тэрбээр олон нийтэд “Электрон жаал” нэрээр танигдсан. Боловсрол Соёл Шинжлэх ухааны сайдын зөвлөх, Боловсролын хүрээлэнгийн захирлаар ажиллаж байсан туршлагатай хэмээн тодорхойлжээ.

Боловсролын түүх:

• 2002 он – Ерөнхий боловсролын сургууль /12 настайдаа/
• 2005 он – Бакалавр
• 2006 он – Боловсрол судлалын магистр
• 2010 он – Удирдахуйн ухааны магистр
• 2014 он – Боловсрол судлалын доктор /24 настайдаа/

Ажласан туршлага:

• 2003 – 2005 онд – “Электрон жаал” сургалтын төвийн захирал, багш
• 2005 – 2012 онд – “Ес-Эрдэм” сургуулийн үүсгэн байгуулагч, захирал, багш
• 2012 – 2014 онд – БШУ-ны сайдын зөвлөх
• 2014 – 2016 онд – БСШУЯ-ны харъяа Боловсролын хүрээлэнгийн захирал
• 2017-2023 онд – СУРААД ХХК Захирал

 3.Ардчилсан намын Хөгжлийн бодлогын асуудал хариуцсан Нарийн бичгийн дарга Саруулсайханы Цэнгүүн:

Маркетинг, Санхүү менежментийн магистр зэрэгтэй тэрбээр чөлөөт зах зээл, хувийн өмч ба эрх чөлөөг хамгаалах чиглэлд дуу хоолойгоо өргөж Ардчилсан намын хөгжлийн бодлогын асуудалд баруун төвийн үзэл баримтлалд тулгуурлан ажиллахыг зорилт болгон дэвшүүлсэн байна.

Төрсөн он сар: 1997.06.04

Боловсрол:

2020-2022 он СЭЗИС-ийн Санхүү менежментийн магистр

2013-2017 он ШУТИС-ийн БУХИС Маркетинг, бизнесийн удирдлагын бакалавр

Ажилласан туршлага:

2017-2020 он  Атмор ХХК-ийн Маркетингийн менежер

2020-2022 он ШТАБ ХХК-ийн үүсгэн байгуулагч

2023 оноос одоог хүртэл The Ladies of Liberty Allience Монгол дахь төлөөлөгч

2024 оноос АН-ын Хөгжлийн бодлого хариуцсан нарийн бичгийн дарга

4. Ардчилсан намын Залуучуудын хөгжлийн бодлого хариуцсан Нарийн бичгийн дарга Булганбаатарын Батзаяа. Түүний хувьд Боловсролын удирдлага, бизнесийн удирдлагын чиглэлээр суралцаж төгссөн. Боловсролын мэдээллийг тэгш хүртээмжтэй хүргэх зорилготой, Монголын анхдагч эдтек төсөл болох “Тэтгэлэг апп”-ын үүсгэн байгуулагч, “Эрх чөлөөг эрхэмлэнэ” уриатай Open Club-ийн ерөнхий зохицуулагч юм.

Төрсөн огноо:1991.07.04

Төрсөн газар: Ховд аймгийн Жаргалант сум

Боловсрол: Боловсролын удирдлага, бизнесийн удирдлагын магистр

Ажлын туршлага: 2022 оноос Educational Zone Technology LLC -ийн гүйцэтгэх захирал, "Тэтгэлэг апп"-ын үүсгэн байгуулагч ​​​​​​​

2021-2022 онд "Ubcab” онлайн такси үйлчилгээний компанийн маркетингийн захирал ​​

2017-2019 онд "Номин Холдинг” ХХК-ийн сургалт хөгжлийн ахлах менежер​​

2013-2014 онд Октопус консалтингийн төслийн менежер ​​​​

2013-2014 онд Монголын Залуучуудын холбоонд мэргэжилтэн ​​

Сонгуульт ажил:

2023 оноос УИХ дахь ардчилсан намын бүлгийн зөвлөх

2016-2018 онд Нээлттэй ардчилсан нам шинэчлэлийн хөдөлгөөний зохицуулагч​

2017-2021 онд Монголын мэтгэлцээний танхимын удирдах зөвлөлийн гишүүн

2021 оноос Монголын залуучуудын холбооны удирдах зөвлөлийн гишүүн

5. Ардчилсан намын Гадаад харилцаа хариуцсан Нарийн бичгийн дарга Баяндүүрэнгийн Энхдөлгөөн:Түүний хувьд улс төр, гадаад харилцааны чиглэлээр ажилласан туршлагатай.

Боловсрол:

• 2012 онд Сант сургууль
• 2014 онд Канад улсын Douglas college
• 2016 онд Канадын Бритиш Колумбын Их сургуулийг Олон Улсын харилцаа

Ажилласан туршлага:

• Сэцэн Билгүүн ХХК-ийн төслийн судлаач
• Монголын мянганы сорилтын сан- Улаанбаатар хотын нийт усны нөөцийг нэмэгдүүлэх төслийн нарийн бичиг
• Парита энд Партнерс ХХК-ийн Гүйцэтгэх захирал
• АН-ын Бодлого, стратеги судалгааны хүрээлэн- Гадаад харилцаа-улс төр судалгаа хариуцсан судлаач