Монгол Улсын хувьд өвлийн аялал жуулчлал хангалттай хэмжээнд хөгжөөгүй ч онцлох томоохон баярууд энэ улиралд болдог. Харин эдгээр баярыг угтан хүн бүрийн сэтгэлд догдлол мэдрүүлсэн “САНТАТАЙ ШИНЭ ЖИЛ” арга хэмжээ хөл хөөртэй, дулаан уур амьсгал дунд болж өнгөрлөө.  

“Талх Чихэр” ХК 40 жилийн ойн босгон дээрээ Улаанбаатар хотын захирагчийн ажлын албатай хамтран хоёр дахь жилдээ “Сантатай шинэ жил” арга хэмжээг амжилттай зохион байгуулж, хүрэлцэн ирсэн бүх хүмүүстээ гэнэтийн бэлэг, инээд хөөр, аз жаргал бэлэглэлээ.  

“Талх Чихэр” ХК-ийн Гүйцэтгэх захирал М.Базар-Ууган: “Талх Чихэр” ХК нийгмийн хариуцлагын хүрээнд хэрэглэгчдэдээ шинэ жилийн баярын уур амьсгалыг мэдрүүлэх зорилгоор 2 дахь жилдээ “Сантатай шинэ жил” арга хэмжээг зохион байгууллаа. Улаанбаатар хотын захирагчийн ажлын албатай хамтран өвлийн улиралд тэр бүр зохион байгуулагдаад байдаггүй гадаа талбайн арга хэмжээг ийнхүү зохион байгуулснаар шинэ жилийн баярын өмнө гэр бүлээрээ, найз нөхдөөрөө хамтдаа нэг өдрийг дурсамж дүүрэн өнгөрүүлэх боломж бүрдүүлэхийг бид зорьсон юм. Ирж буй 2024 онд “Талх Чихэр” ХК-ийн 40 жилийн ой тохионо. Иймээс ойгоо угтаад олон ажил хөтөлбөрүүдийг зохион байгуулахаар төлөвлөсөн байгаа бөгөөд үүний эхлэл болгон ийнхүү бид “Сантатай шинэ жил” арга хэмжээг амжилттай зохион байгуулж чадлаа.  

Жилийн хамгийн сайхан баяр шинэ жилийн баяр дөхөх тусам хүн бүрийн сэтгэлд хүүхэд насны нандин дурсамж бодогдож, өөрийн мэдэлгүй инээмсэглэл тодруулдаг. Харин энэ арга хэмжээ нь тухайн мэдрэмжийг бодитоор мэдрүүлж, хүрэлцэн ирсэн бүх хүнд баяр хөөр инээмсэглэл бэлэглэж чадлаа. “Сантатай шинэ жил” арга хэмжээг жил бүр уламжлал болгон зохион байгуулахаар төлөвлөж байгаа бөгөөд жилийн хамгийн сайхан баяр дээр өнгө, гэрэл гэгээ нэмсэн “Талх Чихэр” компанийн хамт олонд баярлалаа.