Монгол Улсын гавьяат дасгалжуулагч, спорт, олимпизмын зүтгэлтэн Доржийн Баясгалан Монголын үндэсний олимпын хорооны дээд шагнал “Алтан од” хүртлээ.

Шагналыг Олон улсын олимпын хорооны гишүүн, МҮОХ-ны ерөнхийлөгч Б.Баттүшиг, Тэргүүн дэд ерөнхийлөгч Ч.Наранбаатар нар гардуулж, спорт, олимпизмын үйл хэрэгт үнэтэй хувь нэмэр оруулж буйд талархал илэрхийлэв.

Д.Баясгалан нь сагсан бөмбөгийн спортын дасгалжуулагч төдийгүй Монгол Улсын алдарт уяач цолтой. Тэрбээр Эрдэнэт хотын Хангарьд клубын захирал, ГОК-ийн Спорт комплексийн даргаар ажилладаг байжээ.

Б.НАРАНГЭРЭЛ