Израилийн арми Газын зурвасын төв хэсэгт орших дүрвэгсдийн хуаран руу хуурай замын довтолгоогоо өргөжүүлж байна. Газын төв хэсэгт байрлах Бурейж хуаранд байгаа цэргүүдийн бичлэг, нотлох баримтыг Израилийн арми олсон гэв. Мөн Бурейж дахь хонгил, зэвсэг, сургалтын төвийг илрүүлжээ. 

Газын хойд хэсэгт орших Жабалиа дүрвэгсдийн хуаран аравдугаар сарын 7-ноос хойш олон удаа Израилийн цохилтод өртсөн. 

Дүрвэгсдийн хуарангууд руу шахалт өгч эхэлснээр Газын зурвасын хувьд аюулгүй газар улам цөөхөн үлдэж байна. Мөргөлдөөний эхний долоо хоногт хоёр сая шахам палестин иргэн Газын хойд хэсгээс дүрвэсэн. Өдгөө газар нутгийн өмнөд хэсэгт мөргөлдөөн ширүүсч, энгийн иргэдэд аюулгүй газар бараг үлдсэнгүй.

Хотын төв хэсгээр эмнэлэг, эрүүл мэндийн байгууллагуудаас эхлээд байрлах тул хүн амын нягтаршил их. Гэвч Израилийн арми өөрсдийн довтолж буй газруудаа цэргийн хууль ёсны бай гэж мэдэгдэж байна. Учир нь Хамас бүлэг эдгээр газрыг Израиль руу дайралт хийхэд, эсвэл дайралтад бэлтгэхэд ашигладаг гэсэн тайлбарыг тэд өгч байна.

Палестины Эрүүл мэндийн яамны мэдээлснээр, Газын зурваст аравдугаар сарын 7-ноос хйш 20 мянга гаруй палестин амиа алджээ. Яам энэ мэдээллээ гаргахдаа энгийн иргэн, цэрэг гэж ялгадаггүй. Гэхдээ НҮБ-аас мэдээлснээр нас барагсдын гуравны хоёр нь эмэгтэйчүүд, хүүхдүүд аж. 

Эх сурвалж: THE HILL