3,411.42
Энэ долоо хоногийн VS буландаа сонгуулийн тойргийн асуудлыг онцолж байна. Тухайлбал, өнгөрөгч долоо хоногийн чуулганы хуралдаанд УИХ-ын гишүүн Ж.Батсуурь УИХ-ын томсгосон тойргийн хуваарилалт шог байна гэж шүүмжилсэн. Харин МАН-ын бүлгийн дарга Д.Тогтохсүрэн хэвлэлд байр сууриа илэрхийлэхдээ "Томсгосон тойрог руу орвол олон дэд болон хөгжлийн төвүүдийг бий болгох нөхцөл бүрдэнэ гэсэн юм.
Д.Тогтохсүрэн
УИХ дахь МАН-ын бүлгийн дарга
-Бид 1990 оноос хойш хоёр тойргоор явсан. Эхнийх нь 76 тойрог 76 мандат бол дараагийнх нь аймаг дүүрэг нэг тойрог. Бид 2019 болон өнгөрч буй 2023 онд Үндсэн хуульд том өөрчлөлт хийсэн. Ер нь бид улс орноо бодох хэрэгтэй юм байна. Улсын бодлого ярьдаг парламент руу шилжинэ гэж ҮХНӨ-ийг хийсэн. Дээрх хоёр өөрчлөлтийг амилуулах нь чухал. Амилуулахад юу хэрэгтэй вэ гэхээр улсын хэмжээний асуудалд анхаардаг систем хэрэгтэй. Тиймээс 126 гишүүн сонгохдоо 48-ыг нь жагсаалтаар буюу улсын хэмжээнд нэг тойргоос сонгогдоно. Үлдсэн 78 гишүүнд гурван хувилбар бий. Нэгдүгээрт, 78 мандат 78 тойрог. Хоёрдугаарт, 26-30 тойрог 76 мандат бол гуравдугаарт, 10-12 тойрог 78 мандат байгаа юм. Манай намаас санаачлаад АН, ХҮН нам болон парламентад суудалгүй намуудтай ярьсан зүйл бий. Бидний тавьж буй санал бол эх орноо боддог том тойрог руу орох юм л даа. Ер нь бүсчилсэн тойрог нь өөрөө асар их давуу талтай. Нэгдүгээрт, УИХ бүрдлээ гэхэд зөвхөн улс, бүсийн асуудлыг ярьдаг парламент болно. Хоёрдугаарт, өмнө нь хэлсэнчлэн хоёр удаагийн ҮХНӨ-ийг амилуулах явдал яах аргагүй мөн. Гуравдугаарт, хот хөдөөгийн тэнцвэр хангагдана. Одоо нэг хотдоо 1.5 сая хүн шавсны улмаас ачааллаа дийлэхээ болиод, хүндрэлүүд нь гарч ирээд байна. Томсгосон тойрог руу орвол олон дэд болон хөгжлийн төвүүдийг бий болгох нөхцөл бүрдэнэ.
Ж.Батсуурь
УИХ-ын гишүүн
-2024 оны ээлжит сонгуулийн тойргийн хуваарилалт батлагдсан. Байнгын хороонд олон зүйлийг асууж мэдэж, олон санааг илэрхийлсэн. Шинэ Үндсэн хуулиар энэ үзэл санааг оруулж ирэх гэж байгаа гэж хэлж байна. Манай намын дарга бол тойрог томсгох саналд нэгдсэн болохоос биш тойрог дотор яаж дугуйлахыг бол тохироогүй гэдгийг та бүхэн мэдэж байгаа. Тойргийн хуваарилалтууд шог байгаа. Ингээд харахад бол энд наймаа явагдаж байна. Хан-Уул дүүргийг шууд ХҮН намын Доржхандад өгч байна. Багахангайг Шадар сайддаа өгч байна. 10 мандаттай тойрогт 10 хүн нэр дэвшээд 5, 5 минут үг хэлэхэд 50 минут болно. Хоёр мандаттай тойрог яах вэ? нэг нь 25 минут үг хэлэх нь байна шүү дээ. Энгийн логикоор тойргийг дураараа зарж байна. Тойрог томсоно гэдэг нь ЖДҮ, Хөгжлийн банкны бүх хулгай луйварт орчихсон олигархуудын том зодоон болох нь гэж харагдаж байна. Яагаад гэхээр нэг намаас 10 хүн дэвшье гэхэд 10 мандатад 10 намаас 100 хүн 14 хоногт багтааж намынхаа бодлого шийдвэр, өөрийнхөө мөрийн хөтөлбөрийг хэрэгжүүлэх боломжгүй. Үүнээс юу гарах вэ гэхээр хор хохирол нь эрэгтэйчүүд бид нар тойроод тойроод бардаггүй юмыг энэ 4-5 аймгийг дамжаад бүсгүйчүүд явж дийлэх үү? Тэрийг дагасан санхүү гаргаж чадах уу? Нөгөө эрдэмтэн, докторууд маань тэгэж явж чадах уу? Би мэргэн хүн шиг хэлье. Үндсэн хуулийг хэлэлцэж байхад парламентад суудалгүй бүх нам орж ирнэ гээд шилний цаанаас чихэр долоолгосон. Одоо ийм том тойрогт парламентад суудалгүй намаас нэг ч хүн, бие даагчдаас хэн ч цухуйхгүй. Залуучууд, эмэгтэйчүүд яаж ч үзээд тамираа тасалсан ийм л сонгууль болно. Хувь хүний бие ч дийлэхгүй шүү дээ. 14 хоногт Монголын ийм том, улс орнуудыг нийлүүлсэн юм шиг нутаг дэвсгэрт 100 хүн тойрч тэр ард түмнийг залхаана гэж байх уу? Энийгээ засах боломж байна. Жишээ нь Улаанбаатар хотыг заавал ингэж 6 мандаттай болгож яах гэж байгаа юм? Хан-Уул, Багануур, Багахангайгаа нийлүүлээч дээ. Баянгол яахаараа дангаараа байх ёстой юм? Нийлүүлээч, ядаж 2 хувааж чаддаггүй юм аа гэхэд 3 хуваачих. 3 хувааж чаддаггүй юм бол 4 хуваачих. Тэгэхгүй бол хүнд зориулж тойрог зурж байсан түүх бий. Хуучин Увс аймагт зүүсэн хонины арьс шиг, хуучин Дорнод аймагт Базарсадын гутал гэж тойрог байдаг. Үүн шиг та нар тойрог зурж байна шүү дээ. Ер нь эрх баригч нар өнгөрсөн 8 удаагийн сонгуульд өөрсдөө дандаа ялах тойргоо зурж, ялж ирсэн. Тэгэхээр би асуулт асуухгүй. Асуулт болгоныг ард түмний толгойг угааж болж бүтэхгүй юмуудаар дүүргэж байна.
зочин 2023-12-27 59.153.113.99
эхлээд хүн амынхаа тоонд тэгш харьцуулж байж сонгох -сонгогдох тэгш эрх хангагдах бус уу
Зочин 2023-12-27 66.181.181.62
Батсуурь гэж мурьдаг эд байх юм. Тойргоо услчихсан томсгоход илт дургүй байна.АН гэхээр тэмээ гэхээр ямаа гэхийн үлгэр. Манай онцлог нутаг уудам, хүн цөөн. Иймд Нийслэлд 10 гишүүн байхад л сонгуулиар ч дөраа нь ч ажлаа хүртээмжтэй явуулж чадна гэх мэт
Нэргүй 2023-12-27 202.55.180.162
Хүн амын 50 орчим хувь амьдардаг Улаанбаатар 20 хэдхэн суудалтай. Дээр нь үндэсний цөөнх гээд Баян-Өлгий аймаг дангаараа 3 мандат өгчихсөн. Үнэхээр цөөнх гээд тусгайлан авч үзээд байгаа бол жагсаалттай эхний хэдэд оруулчих бүрэн боломж байгаа зэрэг маш олон зүйл учир дутагдалтай байнаа. Энэ төслөөр хууль батлагдвал маш олон муу үр дагаварууд гарах талтай
Зочин 2023-12-27 66.181.179.211
хотод нэр дэвших хүн олдохоо болихнээ дандаа бие даагчид гарах байх шүү
Нэргүй 2023-12-27 59.153.114.90
Есөн шөнө хоосон гэгчээр МАН ын луйварчид хорондоо өөрсдөө унах гэж
Нэргүй 2023-12-27 66.181.183.169
Улсын их хурлын гтшүүн угтаа аймаг хотыг улсад төлөөлөх бус харин улсаа бүхлээр нь УИХ-д төлөөлөх үүрэгтэй. Дэлхийн инэнх улс гишүүдээ тойргоос биш харин пропорционал системээр сонгодог болсон. Ингэснээр жалга довны үзэл бага болж, аль болох улсаа бүтнээр хөгжүүлэх гэж гишүүд тэмцдэг болсон
Нэргүй 2023-12-27 66.181.184.212
Хүн ам бага жижиг аймаг дүүргээс хүн амыг төлөөлсөн сонгогч гарах магадлал МАНы хийсэн тойргоос бага харагдаад байгаан
Нэргүй 2023-12-27 59.153.115.39
Монголчууд бидний сүүлийн 30 жил будилсаар байгаагийн гол буруутан нь төр засаг! Гэтэл төрийг иргэд бид сонгодог боловч дандаа буруу сонголт хийдэг, сургамж авдаггүй?! Учир нь: манай ард иргэд төрийн дээд байгууллагаа өөрсдөө шууд сонгох хэмжээнд ухамсар, боловсрол, соёл, амжиргааны түвшин г.м. хувьд хүрээгүй, түүхий, бүдүүлэг байна!! Иймд байнгын ажиллагаатай парламентийг иргэд шууд сонгохгүй, харин иргэдээс сонгож байгуулсан АИХ-аас сонгож байгуулдаг болох ганц л гаргалгаа байна!!! Монголд ийм
ХУУЛЬЧ 2023-12-27 202.9.46.66
ТОЙРГОО ТОСГОНО ГЭЭД АМ НЭЭЖ ГАРЫН ҮСЭГ ЗУРСАН БОЛ ТҮҮНДЭЭ ЭХЛЭЭД ЭЗЭН БОЛЖ СУРАХ УЧИРТАЙ .,,,,ТЭГЭЭД Ч МУУР ХУЛГАНА БОЛООД ХЭРЭГҮЙ .,,,,АЖИЛЛАА ХИЙЖ ЯЛСАНЫГ ШҮҮДГҮЙ ЮМ ,,,,,.
Нэргүй 2023-12-27 66.181.161.194
торгох нь зөв Гэхдээ хуучны Халх 4 аймгийн хуваагаад тулгуурлах нь зөв
ХУД-ийн сонгогчийн одол 2023-12-27 59.153.114.148
Би Хөвсгөлийн ДАВААСҮРЭН,Сүхбаатарын БАТСУУРЬ хоёр шиг тойргоо усалсан хүмүүст томсгосон тойрог халтай, эсэргүүцнэ гэж хэлж байсан Яг таасан байна. Батсуурь Гантөмөр даргадаа дотроо дургүй байгаа ч хуучинсаг нэр авна гэж айгаад холуур МАН-ыг муулж. Доржханд МАН-аас тойрог гуйна гэж юу байхавдээ. Хан-Уулд тэр нэр дэвшвэл дахин сонгогдоно.Хөгшин бид хоёр түүнд өнгөрсөн сонгуулиар санал өгөөгүй. Одоо нэр дэвшвэл санал өгнө гэж яриад байгаа.