Нийслэлийн Засаг даргын Тамгын газраас Монголын хуульчдын холбоотой хамтран нийслэлийн иргэдийн хууль, эрх зүйн боловсролыг дээшлүүлэх үйл ажиллагааны хүрээнд сар бүрийн гурав дахь долоо хоногийн Лхагва гаригт иргэдэд хууль зүйн зөвлөгөөг үнэ төлбөргүй өгөх өдөрлөгийг зохион байгуулдаг билээ. 

Тэгвэл энэ сарын өдөрлөг маргааш буюу арванхоёрдугаар сарын 27-нд нийслэлийн үйлчилгээний нэгдсэн төвүүдэд /Драгон, Мишээл экспо, Дүнжингарав, Баянхошуу, Хорооллын эцэст байрлах И-март/ зохион байгуулах гэнэ. Зөвхөн салбаруудад очиж зөвлөгөө авахаас гадна 75050801, 75050802, 75050803, 75050804 дугаарын утсаар холбогдон иргэний, захиргааны, эрүүгийн, гэр бүлийн, гэрээний эрх зүй зэрэг хууль, эрх зүйн анхан шатны зөвлөгөө авах боломжтой юм. 

Б.Нарангэрэл