Үндэсний эрх чөлөө, тусгаар тогтнолоо сэргээн мандуулсны өдөр ирэх Баасан гариг буюу арванхоёрдугаар сарын 29-нд болно. Энэ өдөр бүх нийтээр амрана. Мөн шинэ жилийн баярыг тохиолдуулан ирэх оны нэгдүгээр сарын 1-ний өдөр амрах тул бүх нийтээр дөрөв хоног дараалан амрах юм.

Эдгээр өдөр БНХАУ, ОХУ-ын хилийн боомтуудын ажиллах цагийн хуваарь гарчээ. Хуваарьт дурдсанаар олон улсын нислэг, галт тэрэгний тээвэрлэлт хэвийн байх бол зарим авто замын боомтууд ажиллахгүй юм байна. Тодруулбал, Монгол, Оросын хилийн Алтанбулаг, Эрээнцаваас бусад авто замын боомтууд эдгээр өдрүүдэд 1-7 хоногоор түр хаана. Харин Монгол, Хятадын авто замын бүх боомт арванхоёрдугаар сарын 29, 2024 оны нэгдүгээр сарын 1-нд ажиллахгүй.  Баярын өдрүүдэд БНХАУ, ОХУ-ын хилийн боомтуудын ажиллах цагийн хуваарьтай танилцана уу.