АНУ-ын Агаарын цэргийн хүчин Японд атомын бөмбөг дэлбэлэхэд ашигласан нисэх онгоцны буудлыг дахин ашиглалтад оруулахаар төлөвлөж байна. Энэ нь Номхон далай дахь Тиниан нисэх буудал юм. АНУ нь Хятадтай ямар нэг байдлаар дайсагналцсан тохиолдолд хувилбараа өргөжүүлэхээр хичээж буй үйлдэл гэж эх сурвалж мэдээллээ.

Тиниан нисэх буудлыг ширэнгэн ойгоос гаргаж авах ажил дуусмагц бүтээн байгуулалтын ажил эхэлнэ гэж Номхон далайн Агаарын цэргийн хүчний командлагч, генерал Кеннет Вилсбах хэлэв. 

АНУ-ын армийн Агаарын цэргийн хүчний ангиуд 1946 онд уг баазыг орхин гарснаас хойш өвс ширэнгэнд дарагджээ. Тиниан нь Хавайгаас баруун тийш 6000 км зайд орших Хойд Марианы арлуудын нэг хэсэг юм. 62 км2 талбайг хамрах уг арал дээр ердөө 3000 орчим хүн амьдардаг. Дэлхийн хоёрдугаар дайнд гол үүрэг гүйцэтгэсэн гэж нэрлэгддэг Тиниан нисэх буудал нь АНУ-ын агаарын ажиллагааны арвин баялаг түүхтэй.

Тиниан болон ойролцоох Сайпан, Гуам арлууд дээр Японы нутаг дэвсгэрт сүйрлийн бороо оруулж байсан "B-29 Superfortress" бөмбөгдөгч онгоцны флотууд байжээ. Дэлхийн түүхэнд хамгийн олон хүний аминд хүрсэн бөмбөгдөлт буюу 1945 оны гуравдугаар сарын 10-ны сүйрлийг гүйцэтгэсэн онгоцуудыг дээрх гурван арлаас хөөргөсөн байна. Тухайн үед Тиниан нисэх буудалд 40 мянган хүн ажилладаг байсан бөгөөд дэлхийн хамгийн ачаалалтай нисэх буудалд тооцогдож байжээ. Үүнээс гурав хоногийн дараа өөр нэг "B-29" онгоц Нагасакид атомын бөмбөг хаяхаар мөн л Тинианаас хөөрсөн юм. Энэхүү халдлагаар 46 мянган хүн амь үрэгджээ. 

Тинианыг дахин сэргээх бүтээн байгуулалтын төсөлд 78 сая ам.доллар шаардагдана гэж тооцоолсон.

Эх сурвалж: CNN