Нийслэлийн Сонгинохайрхан дүүргийн Энхтайваны өргөн чөлөө буюу Саппорогийн өмнөх талбайд ирж буй шинэ жилийн баярыг тохиолдуулан баярын уур амьсгал оруулж “Мөнгөн шинэ жил” арга хэмжээг өчигдөр /2023.12.20/ зохион байгууллаа. Гадаа хүйтэн ч гэсэн хүрэлцэн ирсэн иргэд маань гэрэлт гудам, шинэхэн гацуурын өмнө гэрэл зураг татуулан, уран бүтээлчдийн дуу хууранд даган баясч, шинэ жилийн үзэсгэлэн худалдаагаар саатан зочиллоо.

Энэхүү “Мөнгөн шинэ жил” арга хэмжээ зохион байгуулсан гудамж талбайг Сонгинохайрхан дүүргийн Засаг даргын Тамгын газар болон дэргэдэх хэлтэс албадын албан хаагчид, иргэдийн хамт тохижуулжээ. Та бүхэн бидний бэлдсэн шинэ жилийн гэрэлт гудамжаар гэр бүл, найз нөхөд, хамт олноороо зочилон сайхан дурсамж бүтээгээрэй.