Хятадын хойд хэсгийн нутгаар огцом хүйтэрч, их хэмжээний цас орсон талаар өмнө нь мэдээлсэн. Тэгвэл Хятадын хүйтэн агаар өчигдрөөс Тайландад ирж, температурыг огцом өөрчилжээ. Тодруулбал, Мягмар гаригт Хятадын агаарын хүчтэй өндөр даралтын систем орж ирсний улмаас Тайландад өглөөдөө сэрүүхэн, хүчтэй салхи шуурна гэж Тайландын цаг уурын газраас мэдээлжээ.

Түүнчлэн Лхагва гаригаас Ням гариг хүртэл Хятадаас ирэх өөр нэг хүчтэй өндөр даралтын систем Тайландыг хамарч, вант улсын ихэнх хэсэгт температур буурч, хүчтэй салхи авчирна гэдгийг анхааруулж байна. Тайландын хойд болон зүүн хойд хэсгээр агаарын температур 4-8 хэм байх бол өмнөд хэсгээр бусад нутгаар 3-5 хэм дулаан байх гэнэ. Тус газраас иргэдийг энэ хугацаанд эрүүл мэнддээ анхаарч, хүчтэй салхи шуургатай, хуурай агаартай байгаа тул хээрийн түймрийн аюулаас сэрэмжтэй байхыг зөвлөжээ.

Үүний зэрэгцээ Персийн булан болон өмнөд хэсгээр давамгайлж буй зүүн хойд хүчтэй муссоны улмаас Ням гариг хүртэл өмнөд хэсгээр ширүүн бороо орно гэж тус хэлтэс мэдэгдэв.

Булангийн далайн давалгаа 2-4 метр орчим өндөртэй, аянга цахилгаантай борооны үед 4 метрээс дээш өндөртэй байдаг бол Андаманы тэнгисийн давалгаа 2 метр орчим өндөртэй байдаг.  Тус газраас өмнөд нутгийн ард иргэдийг үер усны аюулаас болгоомжлохыг анхаарууллаа. Зүүн эргийн эрэг орчмын оршин суугчид шуурганд бэлтгэх хэрэгтэйг сануулав.

Персийн булангийн жижиг завинуудыг Ням гариг хүртэл далайд гарахыг нь хориглосон байна.

ЭХ СУРВАЛЖ: THE STAR