Гэмт хэргээс урьдчилан сэргийлэх ажлыг зохицуулах зөвлөлийн ажлын алба, Шүүхийн Шинжилгээний Ерөнхий газар, Ханнс-Зайделийн сангийн Монгол дахь төлөөлөгчийн газар, ХБНГУ-ын Бавари муж улсын Амьтан, ургамлын мэдээллийн төв хамтран “Амьтан ургамлын ДНК баркодинг” сургалтыг зохион байгуулж байна.

Энэхүү сургалт нь ховор ан амьтан ургамлын жагсаалтыг гаргаж ДНК, баркод хийж сан үүсгэх, хүрээлэн буй орчинд учирсан хохирлыг тогтоох, биологийн ул мөрөөс төрөл зүйлийг тогтоох, экологи эдийн засгийн үнэлгээг гаргах зэрэг мэргэжилтнүүдийн ур чадварыг дээшлүүлэх зорилготой.

Сургалтыг ХБНГУ-ын Бавари муж улсын Амьтан, ургамлын мэдээллийг төвийн судлаач Доктор Каролина Шимэно, ХБНГУ-ын Бавари муж улсын Амьтан, ургамлын мэдээллийг төь Байройтын их сургуулийн судлаач Доктор Э.Хишигдэлгэр нар удирдан явуулж байна.

Сургалтад ШШЕГ-ын ДНК болон экологийн лабораторийн шинжээчид, ДХИС, МУИС, МУБИС-ын биологи, генетик судлалын мэргэжилтнүүд хамрагдаж байна.