-Сүүлийн үед агаарын температур огцом хүйтэрч байгаатай холбогдуулан хэд хэдэн арга хэмжээг зайлшгүй авах шаардлага үүсч байна. Цаг уурын байгууллагын мэдээллээр арванхоёрдугаар сарын 13-ны өдрөөс эхэлж, Сибирийн агаарын хүйтэн урсгал Монгол орны нийт нутаг дэвсгэрээр дайран өнгөрч байна. Энэ цаг уурын байдал энэ сарын 20-ноос хойш үргэлжлэх төлөвтэй байна. Хөрсөн дээр -40 хэм давж, цочир хүйтэрч байна. БШУ-ны сайдын тушаал гарч улс даяар ЕБС-ийн хичээл сургалтын горимд өөрчлөлтийг оруулж байна. Тодруулбал, маргаашаас буюу 2023 оны арванхоёрдугаар сарын 18-наас эхлэн 1-5 дугаар ангийн сурагчдын хичээлийг цахимд шилжүүлж байна. Арванхоёрдугаар сарын 25-наас эхлэн 6-12 дугаар ангийн сурагчид цахимаар хичээллэнэ. Тэгээд арванхоёрдугаар сарын 28-наас эхлэн бүх ЕБС-ийн улирлын амралт эхэлнэ.

Өнгөрсөн хоногуудад шөнө, өглөө, өдөр гэсэн хуваарьтайгаар зам дээр давс цацаж байгаа боловч -40 хэм давж хүйтэрч байгаа учраас үйлчлэл нь гарахгүй байна. Хот тохижилтын ажилчдыг хайрга дайрга давс зэрэгцүүлж цацах үүрэг өгсөн. Гулгаа арилахгүй хэт их хүйтэн байгаа учраас машины хурд эрс саарч, түгжрэлийг үүсгэж байна. Ийм зохицуулалтыг авахаас өөр арга алга. Цочир хүйтрэлийн үед авах онцгой арга хэмжээний төлөвлөгөөгүй ажиллаж байгаа. Ойрын  хугацаанд ийм төлөвлөгөөг танилцуулж, иргэдэд заавал урьдчилан танилцуулна. Дугаарын хязгаарлалт урт хугацаанд хэрэгжих ба энэ үеэр 2800 гаруй замын цагдаа хяналт тавина. Хэрэв зохицуулалтыг зөрчвөл жолооны эрх хасах хүртэлх арга хэмжээг авна гэв.

-Бид нарийвчилсан тооцоо судалгаагаа хийж байна. Саппорогийн уулзвараас Офицерийн ордон, Зүүн дөрвөн замын уулзвар хүртэл автомашины дугаарыг хязгаарладаг байсан бол энэ удаагийн хязгаарлалтыг арай томсгосон хэлбэрээр зохион байгуулахаар ярьсан. Нарийн тооцоо одоо гараагүй учраас ингэж бүсчилнэ гэж ярихад хэцүү байна. Сонсголын уулзвараас Офицерийн ордон хүртэл зүүн баруун чиглэлийн бүсчлэлийг тогтоож, Зуун айлын хойд хэсэг 32-ын тойргоос урагшаа Маршлын гүүрний хойд хэсэг хүртэл томсгох шийдвэрийг гаргалаа. Удахгүй албажна. Тэгш, сондгой дугаарын хязгаарлалт нь давс бодис үйлчлэхгүй, машины хөдөлгөөн удааширч, маш их түгжрэл үүсгэж байна. Цаашдаа нийтийн тээврийн хүртээмж нэмэгдэхээр зорчих хэсгийн нэгдүгээр эгнээг тодорхой хэсэгт чөлөөлөх ажлыг хийнэ.

Тодруулбал, арванхоёрдугаар сарын 18 буюу маргаашаас 1-5 дугаар ангийн сурагчдын хичээлийг цахимд шилжүүлж байна. Харин дунд, ахлах ангийн сурагчдын хичээлийг энэ сарын 25-наас цахимаар хичээллүүлнэ. Өвлийн улирлын амралт арванхоёрдугаар сарын 28-наас нэгдүгээр сарын 28 хүртэл үргэлжлэхээр шийдвэрлэлээ.