Польш-Украины хил дээр жагсаалаас үүдэн түгжрэлд зогсч буй гурав дахь жолооч нас барсан гэж Украины Олон улсын тээвэрлэгчдийн холбооны дэд ерөнхийлөгч Володимир Балин мэдээлэв.

Европын холбооноос Украины ачааны тээврийн хэрэгслийн дамжин өнгөрөх тээврийн дүрмийг либералчлахыг эсэргүүцэж, Польшийн тээвэрлэгчид өнгөрсөн арваннэгдүгээр сард Украины хилийн дөрвөн гарцыг хааж эхэлсэн. Үүний үр дүнд хилийн хоёр талаар асар урт түгжрэл үүсч, жолооч нар хөлдөж, үхэж эхлэв.

Жолооч Кракивец-Корчжова гарам дээр нас барсан гэх мэдээлэл байна. Түүний үхлийн шалтгааныг тодруулаагүй байна. Түргэн тусламжийн машин жолоочийг авч явсан ч тэр эмнэлэг хүрэх замдаа нас баржээ.

Өмнө нь Украины ачаа тээврийн  хоёр жолооч түгжрэлд хүлээж байгаад нас барсан. Тодруулбал, 54-56 настай хоёр жолооч байгалийн жамаар нас баржээ.

Польшийн тээврийн жолоочид  Украины жолооч нарын шилжилт хөдөлгөөн тэдний амьжиргаанд сөргөөр нөлөөлж байна гэсэн үндэслэлээр анх жагсаал зохион байгуулж эхэлсэн. Украины албаны хүмүүс болон салбарын төлөөлөгчид үүнийг үгүйсгэж байгаа юм.

Украины хилийн Высне Немекке-Узжородын гарамыг хаасан Словакийн тээвэрлэгчид арванхоёрдугаар сарын 15-нд жагсаалаа зогсоосноо мэдэгдэв.

ЭХ СУРВАЛЖ: KYIV INDEPENDENT