"Найзууд" цувралын жүжигчин Мэттью Перри аравдугаар сарын 28-нд 54 насандаа гэрийнхээ усан санд живж нас барсан. Түүнийг үхлийн шалтгааныг усанд живсэнтэй холбосноос өөрөөр тодорхой хариулт гараагүй байсан.

Тэгвэл Мэттью Перригийн үхэл кетамины цочмог нөлөөнөөс болсон гэдгийг Лос-Анжелес хотын эмнэлгээс баталлаа.

Мэттью Перри буюу "Найзууд" цувралын Чандлер Бинг нь алдар хүндийнхээ оргил үед өвчин намдаах эм, архины хамааралтайгаа тэмцэж байсан. Тиймдээ ч нөхөн сэргээх эмнэлгээр олон удаа үйлчлүүлж байжээ. Тэр бүү хэл архи, хар тамхины хэрэглээнээсээ болж "Найзууд" киноны гурван жилийн зураг авалтыг санахгүй байна гэж 2016 онд ярилцлага өгч байв. Тэрээр бараг 60, 70 удаа үхлийн аюулаас аврагдсан гэдэг.

Лос-Анжелесийн эмнэлэгийн мэдэгдэлд "Түүний цусны сорьцонд кетамины өндөр тун илэрсэн. Үхлийн гол нөлөө нь зүрх судасны хэт цочрол, амьсгалын замын хямрал байсан. Ухаан алдах үед живэх магадлал өндөр" гэжээ.

Эх сурвалж: BBC