Киевийн Ерөнхийлөгч Владимир Зеленский Унгарын Ерөнхий сайд Виктор Орбантай ярилцахдаа Украин яагаад Европын холбоонд байх ёсгүй гэсэн ганцхан шалтгааныг нэрлэхийг шаардаж,  хариулт нэхжээ. Зеленский Нордикийн дээд хэмжээний уулзалтад оролцогчидтой хийсэн хэвлэлийн бага хурлын үеэр дээрх асуултыг тавьжээ.

"Би үүнийг тусгайлан эсвэл зориудаар төлөвлөсөн уулзалт байсан гэж хэлж чадахгүй. Бид яриа хэлэлцээ хийсэн. Энэ үнэн. Бид нийтлэг хилтэй, хөршүүд, ярилцах хэрэгтэй учраас улс орнуудынхаа хооронд бүтээлч уулзалт зохион байгуулах хэрэгтэй гэж бодож байна. Бид ярилцах хэрэгтэй, асуудлыг шийдэх хэрэгтэй. Тийм учраас бид зүгээр л уулзах хэрэгтэй. Энэ бол түүнтэй ярьсан нэг чухал сэдэв. Би түүнд энэ санааг эерэгээр хүлээж авч байгаагаа харуулсан. Хоёрдугаарт, би түүнд Украиныг Европын холбоонд гишүүнээр элсүүлэхийг хориглох ямар ч шалтгаан байхгүй гэдгийг ойлгууллаа. ​​Би түүнээс ганцхан шалтгаан хэлэхийг хүссэн. Гурав биш, тав биш, арав ч биш, ганцхан шалтгаан, би хариултыг хүлээж байна" гэж мэдэгджээ.

Владимир Зеленский арванхоёрдугаар сарын 10-нд Аргентины шинээр сонгогдсон ерөнхийлөгчийн тангараг өргөх ёслолын үеэр Унгарын Ерөнхий сайд Виктор Орбантай товч ярилцжээ. Зеленский энэхүү яриаг  "илэн далангүй болсон" гэж мэдэгдэв.

ЭХ СУРВАЛЖ: UKRAINSKA PRAVDA