Европын хууль тогтоогчид Украины эсрэг Оросын дайнд зориулсан нисгэгчгүй онгоцыг зохион бүтээх, үйлдвэрлэхэд оролцсон Ираны компаниудад хориг арга хэмжээ авчээ. Хориг арга хэмжээнд зургаан хувь хүн, таван компани багтаж байна.

Эдгээр нь Шакад Санат Асмари компанийн захирал Хади Захуриан, мөн компанийн дэд захирал Мохаммад Шахаб Ханиан, ахлах судлаач Эхсан Рахат Варносфадрани, Бахарестан Киш компанийн ТУЗ-ийн дарга Рахматолла Хейдари, Агаар сансрын аж үйлдвэрийн байгууллагын захирал Надер Хоон Сиаваш, Саад Сазех Фараз Шариф компанийн гүйцэтгэх захирал Эхсан Иманинежад нар юм. Тэднийг Ираны Батлан хамгаалах яам болон Исламын хувьсгалт гвардын корпусын нисгэгчгүй нисэх онгоцны хөтөлбөрт тусалсан гэж буруутгажээ. 

Европын зөвлөлийн 27 гишүүнтэй эсвэл даваа гаригт мэдэгдэл хийхдээ "Энэхүү 11 жагсаалт нь түрэмгий дайнд ОХУ-тай хамтарч ажилласан Ираныг шийтгэх арга хэмжээний эхний хэсэг" гэлээ.

Мөн АНУ Оростой холбоотой өргөн хүрээтэй хориг арга хэмжээ авсаар байна. Тухайлбал, Байдены засаг захиргаа мягмар гаригт Турк, Арабын нэгдсэн Эмират, Хятад, хоёр Солонгосын 250 гаруй хувь хүн, компанийг хориг арга хэмжээнээс зайлсхийж, Кремльд зэвсэг нийлүүлсэн гэх үндэслэлээр буруутгав. 

Эх сурвалж: UNITED PRESS INTERNATIONAL