Украины тэргүүн хатагтай олон улсад хандан Оросын түрэмгийлэгчдийн эсрэг дайнд санхүүгийн болон ёс суртахууны дэмжлэг багасч байгаа тул улс “үхлийн аюулд” байгааг анхааруулав. “Бидэнд тусламж үнэхээр хэрэгтэй байна. "Хэрэв дэлхий дахин биднийг дэмжихээс залхбал биднийг үхүүлэхээр орхисонтой ижил болно” гэж BBC-д өгсөн ярилцлагадаа хэлжээ.  

Конгресс ямар нэгэн арга хэмжээ авахгүй бол АНУ нь Украинд зэвсэг нийлүүлэх мөнгөгүй болно гэсэн түгшүүрийг энэ долоо хоногийн эхээр Цагаан ордон анхааруулсан юм. Гэсэн ч Сенат дахь бүгд найрамдахчууд Лхагва гаригт Украинд 15 тэрбум гаруй ам.долларын нэмэлт дэмжлэг үзүүлэх хуулийн төслийг хориглов. Энэхүү санхүүжилт нь "цэргийн сургалт, тагнуулын мэдээлэл солилцох", "Европын командлалын хариуцлагын бүсэд оролцоог нэмэгдүүлэх" зэрэг салбарыг хамарна.

Олон нийтийн санал асуулгаар, америкчуудын Украинд тусламж, зэвсгийн тусламж үзүүлэхийг дэмжих нь бас буурч байгааг харуулж байна. Саяхны "Gallup" судалгаагаар америкчуудын 41-ээс доошгүй хувь нь АНУ дайнд нэрвэгдсэн улсдаа туслахын тулд "хэт ихийг" хийж байна гэж үзэж байгаа нь өмнөх судалгаанаас 12 хувиар өссөн үзүүлэлт юм.

АНУ Украинд хэдий хугацаанд санхүүжилт олгох ёстой вэ гэсэн асуултад санал асуулгад оролцогчдын 60 гаруй хувь нь "хязгаартай байх ёстой" гэж хариулжээ.

Украины Ерөнхийлөгч Владимир Зеленский Ойрхи Дорнод дахь мөргөлдөөн олон улсын анхаарлыг дайнаас өөр тийш нь холдуулж магадгүй гэсэн болгоомжилж байна.

ЭХ СУРВАЛЖ: THE HILL