Нүүрсний хоёр дахь шатны сонсголд оролцогчдын нэрийг баталсан талаар ХЗДХ-ийн сайд Б.Энхбаяр өнөөдөр /2023.12.11/ мэдээлэл хийлээ.

Тэрбээр "УИХ-ын нүүрсний хулгайтай холбоотой хэрэг асуудлыг хянан шалгах Түр хороо хуралдлаа. Хоёр асуудлыг хэлэлцсэн. Нэгдүгээрт, 2023 оны арванхоёрдугаар сарын 18-22-ны өдрүүдэд зохион байгуулах хоёр дахь үе шатны нотлох баримтыг шинжлэн судлах сонсголд гэрчээр дуудах албан тушаалтнуудын нэрсийг баталлаа. Хоёрт, нэмэлт нотлох баримтуудыг шаардах тогтоолын төслийг баталсан. Түр хорооноос зохион байгуулсан 2023 оны арванхоёрдугаар сарын 4-7-ны өдөр зохион байгуулсан эхний сонсголд "Тавантолгой" ХК болон "Эрдэнэс Тавантолгой" компанитай холбоотой 28 багц асуудлаар нотлох баримт шинжлэн судалж, шинжээчийн дүгнэлт сонсч, холбогдох гэрчүүдээс асуулт асуусан.

Нийт 275 гэрч оролцуулахаар мэдэгдэх хуудас хүргүүлснээр 221 гэрч буюу 80.4 хувь нь оролцсон байна. Түр хорооны сонсголыг дараах үе шатаар зохион байгуулна.

Тодруулбал, арванхоёрдугаар сарын 18-нд нүүрсний тээвэрлэлтийн С зөвшөөрөлтэй холбоотой асуудлаар, "Эрдэнэс Тавантолгой" компани болон "Тавантолгой" ХК-ийн тээврийн үйл ажиллагаа, нүүрсний экспорт, үдээс хойш гааль, хилийн цэргийн албан хаагч нартай холбоотой асуудал, 2023 оны арванхоёрдугаар сарын 19-нд үдээс өмнө "Эрдэнэс Тавантолгой" компанийн борлуулалтын үйл ажиллагаа, нүүрсний гэрээний үнэ тогтоолтын талаар, "Чалко трейдинг Хонгконг" компанитай байгуулсан гэрээний талаар, үдээс хойш нүүрс баяжуулах үйлдвэр, газрын тос дамжуулах хоолой, уулын ажлын төлбөрийн хүрээнд байгуулсан нүүрс худалдах, худалдан авах гэрээнүүдийн талаарх бусад гэрээ гэсэн дөрвөн асуудлыг хэлэлцэнэ.

Мөн арванхоёрдугаар сарын 10-нд "Эрдэнэс Тавантолгой" компанийн охин компаниудад оруулсан бусад санхүүжилт, үүнд "Тавантолгой түлш" компани болон төсвийн шинжтэй санхүүжилтийн талаар, Загийн усны хоолой, "Тавантолгой" дулааны цахилгаан станц, уурхайн суурьшлын бүсийн бүтээн байгуулалтын төсөл, кокс эрчим хүчний үйлдвэр, "Шивээ-Овоо" болон "Багануур" ХК-тай холбоотой асуудал.

Харин арванхоёрдугаар сарын 21-ний өдөр "Тавантолгой-Зүүнбаян чиглэлийн төмөр зам, Тавантолгой-Гашуунсухайт чиглэлийн төмөр зам, "Бодь интернэйшнл" ХХК, төмөр замын санхүүжилт, Богд хан төмөр замын санхүүжилт, Тавантолгой нүүрс ачих ложистикийн төв, Тавантолгой-Гашуунсухайт-Зүүнбаянг холбох төмөр замтай холбоотой асуудал. Маргааш нь буюу арванхоёрдугаар сарын 22-нд хяналт шалгалтаар илэрсэн бусад асуудлын хүрээнд "Эрдэнэс Тавантолгой майнинг" ХХК, "Монголиан контракт майнинг сервис" ХХК, "Таван хур" ХХК, "Агь менираль" ХХК, "Спэйшил майнинг" ХХК, "Эрдэнэс Тавантолгой" ХХК-иас эрх бүхий байгууллагуудын хүрээнд тэдгээрийн үр дүнд авсан арга хэмжээ, Үндэсний аудитын газрын хяналт шалгалт, хөндлөнгийн аудитын хяналт шалгалт, Сангийн яам, Татварын ерөнхий газар, АМГТГ болон байгууллагын хяналт шалгалт гэсэн сэдвийн хүрээнд зохион байгуулна.

Гэрчээр дуудагдах албан тушаалтнуудыг зарлахдаа "Эхний өдөр ЗТХЯ-ын газрын дарга Д.Батбаатар, тус яамны хэлтсийн дарга Ц.Нэргүйбаатар, Тээврийн хэрэгслийн хяналт зохицуулалтын алба улсын төсөвт үйлдвэрийн газрын хэлтсийн дарга Ж.Энх-Од, АТҮТ-ийн хэлтсийн дарга Д.Батбаяр, АТҮТ-ийн хэлтсийн ахлах мэргэжилтэн н.Отгонсар, АТҮТ-ийн мэргэжилтэн Э.Цолмон, АТҮТ-ийн дэд захирал Ш.Батсайхан, АТҮТ-ийн мэргэжилтэн Д.Гэрэлт-Од, АТҮТ-ийн хэлтсийн дарга Г.Доржпалам, АТҮТ-ийн тасгийн ахлах мэргэжилтэн Ж.Дамдинпүрэв, АТҮТ-ийн тасгийн дарга О.Энхбат, АТҮТ-ийн мэргэжилтэн Э.Чанзалдулам, АТҮТ-ийн дэд захирал Ц.Эрдэнэчулуун, тээврийн газрын захирал Т.Болдбаатар, АТҮТ-ийн захирал Н.Пунцаг, АТҮТ-ийн захирал, СЕХ-ны дарга П.Дэлгэрнаран, АТҮТ-ийн дарга Б.Гүрсоронзон, АТҮТ-ийн хэлтсийн дарга К.Айдос, ЗТХ-ийн сайд А.Гансүх, ЗТХ-ийн дэд сайд Х.Ержан, ЗТХ-ийн сайд Д.Ганбат, ЗТХЯ-ны Төрийн нарийн бичгийн дарга Ж.Бат-Эрдэнэ, ЗТХ-ийн дэд сайд Д.Цогтгэрэл, нүүрс тээврийн жолооч Б.Лхагвасүрэн, тээврийн жолооч Ц.Төмөрхуяг, нүүрс тээврийн жолооч Т.Гантогтох, нүүрс тээврийн жолооч Ч.Баянжаргал, жолооч Ч.Ганзориг, жолооч З.Уламбаяр, жолооч С.Батбаяр, жолооч Г.Эрхэмбаяр, жолооч Г.Өлзийбадрах, жолооч Т.Батсайхан, жолооч Ш.Баасанжав, жолооч Г.Нямцэрэн, жолооч Л.Рэгзээ, УИХ-ын гишүүн А.Адъяасүрэн, "Говь транс ложистик" ХХК-ийн эцсийн өмчлөгч,Г.Оюунжаргал,  "NB транс" ХХК-ийн өмчлөгч н.Нандинбаяр, н.Урангуа нар, "Дээдийн говь" ХХК-ийн эцсийн өмчлөгч Д.Зандхүү, "Уртахбаян говь" ХХК-ийн өмчлөгч н.Батбилэг, н.Бат-Эрдэнэ нар, "Тахьдаг хайрхан" ХХК-ийн өмчлөгч Г.Баясгалан, "Өмнийн чөмч" ХХК-ийн өмчлөгч Б.Өлзийсайхан, "Урчуул отго" ХХК-ийн өмчлөгч н.Отгонбаяр, ҮСХ-ны дарга Б.Батдаваа, УИХ-ын гишүүн Ш.Адъшаа болон УИХ-ын гишүүн асан Ж.Мөнхбат, Т.Аюурсайхан нар, ложистик компанийн захирал Ц.Амгалан, Гаалийн ерөнхий газрын дарга асан Х.Баатар, Б.Баттөмөр, Д.Цэвээнжав, О.Ганбат, Б.Цэнгэл, С.Пүрэв, Б.Асралт нарыг болон Өмнөговийн гаалийн хорооны дарга Т.Алагаа, С.Наранбат, Ш.Төмөрбаатар, "Гашуунсухайт дахь гаалийн хорооны дарга С.Болдбаатар мөн даргаар ажиллаж байсан П.Сүхбаатар, Д.Даваасамбуу, Б.Батгэрэл, Ж.Дэлгэрсайхан, Б.Даваасүрэн, С.Батдамба, Л.Ганбаяр нарын нүүрсний сонсголд гэрчээр дуудав.