Монголын Үндэсний бөхийн холбооны “Алтан цом”-ын төлөөх хагас шигшээ барилдаанууд үргэлжилж байна. Хагас шигшээ барилдааны “D” хэсгийн эхний барилдаан Хөвсгөл-Говьсүмбэр аймгуудын дунд өрнөж, Говьсүмбэр аймгийн баг 20:5-аар илт давуу хоёр дахь ялалтаа авлаа.

Говьсүмбэр аймгийн багт аймгийн хурц арслан Э.Мөнхбаатар /5/, аймгийн арслан Б.Гончигтавхай /3/, гуравдугаар тойргоос сэлгээнд сууж, түүний оронд орж барилдсан аймгийн арслан Б.Үүрцайх /1/ , аймгийн арслан Г.Дармаажанцан /5/ аймгийн арслан Н.Намнансүрэн /4/, аймгийн арслан М.Эрхэмбаяр /2/ нийт 20 даваа авсан бол Хөвсгөл аймгийн багт улсын өсөх идэр начин Ч.Батчулуун /1/, улсын начин Ц.Сандагдорж /0/, гарч барилдаагүй, түүний оронд зарлуулсан улсын арслан Ц.Содномдорж /0/ мөн гарч барилдаагүй, аймгийн арслан Э.Баасанжав /2/, аймгийн арслан П.Хүрэлбаатар /1/, аймгийн арслан М.Цэрэн /1/ нийт таван даваа авав.

Говьсүмбэр аймгийн багийн дасгалжуулагчаар аймгийн хурц арслан Т.Пүрэвсүрэн, Хөвсгөл аймгийн багийн дасгалжуулагчаар аймгийн арслан Л.Нямбаяр нар ажиллав.

Ялсан баг шагналын таван сая төгрөг болон бөхчүүд давааны мөнгөө тус тус гардсан юм. Одоо Архангай-Баян-Өлгий аймгийн багууд барилдаж байна.