Тайванийн хоолойд Хятадын ажиглалтын бөмбөлөг болон цэргийн нисэх онгоц, хөлөг онгоцны их хэмжээний хөдөлгөөн илрүүлсэн гэж арлын Батлан хамгаалах яам мэдэгдлээ. Ажиглалтын бөмбөлөг Пүрэв гаригийн шөнө хойд боомт Килун хотоос баруун өмнө зүгт өнгөрч, дараа нь зүүн зүг рүү нисчээ. Батлан хамгаалах яам уг бөмбөлгийг Ардын чөлөөлөх армийн хяналтын бөмбөлөг гэж нэрлэв. 

Энэ явдалтай холбоотойгоор Тайванийн сонгуулийн санал хураалтад Хятад нөлөөлж магадгүй гэх эргэлзээ таамаг улам нэмэгджээ.

Хятадын Гадаад хэргийн яамны хэвлэлийн төлөөлөгч Ван Вэнбин "Нөхцөл байдлын талаар мэдэхгүй. Энэ бол дипломат асуудал биш" гэж мэдэгдсэн байна.

Тайвань ийм агаарын бөмбөлгүүдийг харвана гэж мэдэгдсэн. Бөмбөлөг ойролцоогоор 6400 метрийн өндөрт нисчээ.

Бөмбөлгөөс гадна Пүрэв гаригт 24 цагийн хугацаанд Хятадын 26 цэргийн нисэх онгоц, 10 тэнгисийн цэргийн хөлөг онгоцны хөдөлгөөнийг Тайванийн хоолойд илрүүлжээ. Онгоцны 15 нь талуудын хоорондох албан бус тусгаарлах шугамыг давсан. Зарим нь 160 км өргөнтэй Тайванийн хоолойг хамарсан арлын агаарын хилээс гадуурх агаарын довтолгооноос хамгаалах бүс рүү нэвтэрчээ. 

Эх сурвалж: NBC