“Тэрбум мод” үндэсний хөдөлгөөнд нэгдсэн цагаас “Монголын төмөр зам” ТӨХК нь Улаанбаатар хотын Бумбатын булаг, Ар гүнт, Өлзийт хороололд жил бүрийн тав, аравдугаар саруудад мод тарихын зэрэгцээ “Тавантолгой-Зүүнбаян” чиглэлийн төмөр замын өртөө зөрлөгүүдэд 4000 гаруй мод тарьж усалгаа, арчилгааг тогтмол хийж байна.

Дэлхийн уур амьсгалын өөрчлөлтийн нөлөөллийг бууруулах, ой, усны нөөцийг хамгаалах, нэмэгдүүлэх, экологийн тэнцвэрт байдлыг хангах зорилго бүхий “Тэрбум мод” үндэсний хөдөлгөөний хүрээнд “Монголын төмөр зам” компани энэ сард “Тавантолгой-Зүүнбаян” чиглэлийн төмөр замын өртөө зөрлөгүүдэд 10,000 мод тарих бэлтгэл ханган ажиллаж байна.