Монголчууд эрт дээр үеэсээ бие, хэл, сэтгэлээрээ онцгойлон нүгэл хилэнцийг тэвчиж, махан хоол, ухааныг мунхруулагч архийг хорьж, цагаан ногоон хоол идэж, өглөг буянд шамддаг уламжлалтай. Учир нь дүйчэн гэдэг нь "Их цаг" гэсэн утгатай бөгөөд энэ их цаг тохиох үед алив үйлдсэн буян бум түмээр арвижин дэлгэрч үрд нь амгалан жаргалан гардаг харин эсрэгээрээ алив үйлдсэн нүгэл мөн ихээр арвижиж, үрд нь зовлон зүдгүүр гардаг уг шалтгаантай хэмээн үздэг.