Ньюс агентлаг өнөөдөр /2023.12.06/ болох үйл явдлын хураангуйг хүргэж байна. 

• 09:00-12:00 цагт: “Монголын бизнесийн орчин-2023” судалгааны дүнг МҮХАҮТ-д танилцуулна.
• 10:00 цагт: БОАЖЯ-наас цаг үеийн асуудлаар хэвлэлийн бага хурал хийнэ. Цаг уур, орчны шинжилгээний газарт. Хурлаар Усны газраас явуулсан хяналт шалгалтаар Зайсан орчмын 5 хотхоны крантнаас авсан усны шинжилгээгээр өтгөнд байдаг бактер илэрсэн тухай мэдээлэл хүргэх болно. Утас 9404-4104.
• 10:00 цагт: УИХ-ын Хянан шалгах түр хорооны нүүрс олборлолт, худалдан авалтын үйл ажиллагааг хянан шалгаж, нотлох баримтыг шинжлэн судлах нээлттэй сонсгол 3 дахь өдрөө үргэлжилнэ.
• 11:00 цагт: Сайжруулсан шахмал түлштэй холбоотой нотлох баримтын талаар иргэдийн төлөөлөл мэдээлнэ. ЗМ сонины мэдээллийн төвд.
• 11:30 цагт: Боловсролын зээлийн сантай холбогдуулан Лу.Гантөмөрт хилийн хориг тавихыг шаардаж АН-ын гишүүдээс мэдээлэл хийнэ. ЗМ сонины мэдээллийн төвд.
• Засгийн газрын ээлжит хуралдаан болно.
• Монгол Улсын Ерөнхийлөгчийн болон Төрийн шагналт, Ардын жүжигчин морин хуурч багш Г.Жамъяны нэрэмжит мэргэжлийн морин хуурчдын олон улсын III уралдааны шалгаруулалт Монгол Улсын Консерваторид болно.
• Өмнөговь аймгийн төв Даланзадгад хотод Говийн бүсийн оёмол бүтээгдэхүүн, хувцас загварын "Уран шаглаа-2023" улсын уралдаантай.