Та 30-тай ч бай, 60-тай ч бай өөрийгөө үргэлж 20 настай мэтээр мэдэрч болно. Гэхдээ таны арьс 20-иод насных шиг харагдахгүй байж магадгүй. Нас ахихын хэрээр  арьс арчилгаа, нүүр будалтын хэрэгцээ өөрчлөгддөг гэдгийг гоо сайхны мэргэжилтнүүд зөвлөж байна.

"Бид нас ахих тусам арьс арчилгаа, нүүр будалтын хэрэгцээ өөрчлөгддөг бөгөөд 10 жил тутамд арьсанд тулгардаг онцгой асуудлуудыг шийдвэрлэхийн тулд гоо сайхны хэв маягаа өөрчлөх нь чухал юм" гэж  веган гоо сайхны "Ayu" компанийн  нүүр будалтын зураач Сүзи О’Нил тайлбарлаж байна.

Тиймээс А, С, Е витаминаар баялаг бүтээгдэхүүн хэрэглэхийг зөвлөж байна. 30-аад насанд арьс нимгэрч, чийгшил, өнгөө алдаж эхэлдэг тул витаминаар баялаг бүтээгдэхүүнээр арьс чийгшлээ алдахаас хамгаалах хэрэгтэй байдаг аж.

Тэгвэл бид 40 наснаас хойш нүүр будалтаа хэрхэн өөрчлөх ёстой вэ?

40-өөд насанд арьсны  коллаген, эластины ялгаруулалт аяндаа буурч, арьсны бат бөх, уян хатан чанар буурдаг. Үүнтэй тэмцэхийн тулд коллагены ялгарлыг идэвхжүүлэхэд тусалдаг гиалуроны хүчил, пептид, ретинол зэрэг найрлагатай ийлдсийг арьс арчилгаандаа нэмж оруулахыг зөвлөж байна.

Суурь арчилгаа бол таны амьдралын энэ үед хийх хамгийн чухал нүүр будалтын шинэчлэл юм. “Таны 40 нас бол 20, 30 насандаа хэрэглэж байснаас илүү чийгшүүлж, хөнгөн тос түрхэх ёстой үе. Хүнд, матте будаг нь арьсны нарийн үрчлээ рүү орж, тэдгээрийг тодотгож өгдөг. Таны арьс хуурайшиж, илүү боловсорч гүйцдэг тул чийгшүүлэгчтэй, хөнгөн будалт нь илүү сайн сонголт юм. Энэ үед уруул улам хуурайшиж эхэлдэг тул чийгшүүлэгч уруулын будаг эсвэл бальзам хэрэглэхийг зөвлөж байна.

Нарны хордлогын хуримтлагдсан үр нөлөө нь 40 наснаас илүү тод илэрч, пигментацийн асуудал, нарийн үрчлээс, нарны толбо үүсэхэд хүргэдэг. Нарнаас хамгаалах тосыг байнга түрхэх шаардлагатай.

Нүүр будалтын тухайд 50 нас илүү натурал төрхийг сонгох үе.

"Хөнгөн болон дунд зэргийн өө даралттай  крем эсвэл өнгөтэй чийгшүүлэгч нь арьсыг илүү гэрэлтсэн, залуу харагдуулахаас гадна арьсны байгалийн шинж чанарыг гэрэлтэх боломжийг олгодог байна. 40 насанд бага будалт, илүү арьс арчилгааны дүрмийг баримтлаарай.

Нүүр будалтандаа нүдийг өргөж, гэрэлтүүлэх техникт анхаарлаа хандуулахыг зөвлөж байна. "Жишээлбэл, нарийн контур тавих нь сормуусыг өтгөн болгож, нүдийг илүү тод харагдуулдаг. Нүдний будалтыг гараараа хөнгөн хүрэх байдлаар хийж, нүдийг нээж, илүү сэргэг харагдуулах зөөлөн, саармаг тенийг сонго. 50 нас хүрэхэд уруул өнгөө алдах нь элбэг байдаг тул уруулын будгийг өөрийн уруулын өнгөнд тохирсон хүрээлэгчтэй хамт хэрэглэхийг зөвлөж байна. Энэ нь илүү бүрэн дүүрэн, дур булаам уруултай болоход тань тусална.  Хөгшрөх тусам хөмсөг, сормуус шингэрдэг. Хөмсөгний сийрэг хэсгийг хөмсөгний харандаа эсвэл нунтагаар дүүргэж, өтгөрүүлэх сормуусны будаг хэрэглэх нь хөмсөг, сормуусны залуу төрхийг сэргээхэд тусална.