Монголын үндэсний бөхийн холбооны “PEPSI-АЛТАН ЦОМ”-ын төлөөх хагас шигшээ барилдаанууд үргэлжилж байна. Гурав дахь өдрийн “С” хэсгийн хоёр дахь барилдаан Ховд-Дорноговь аймгуудын дунд өрнөж, Ховд аймгийн баг 22:3-аар илт давуу эхний ялалтаа авлаа.

Ховд аймгийн багт улсын аварга О.Хангай /5/, улсын заан Б.Пүрэвсайхан /4/ улсын заан Б.Бат-Өлзий /5/ улсын харцага Г.Ганхуяг /5/, аймгийн арслан Ц.Төмөрцоож /3/ нар нийт 22 даваа авсан бол Дорноговь аймгийн багт улсын начин Х.Оргилболд /0/, аймгийн хурц арслан Б.Баатархүү /0/ гуравдугаар тойргоос сэлгээнд сууж, түүний оронд орж барилдсан аймгийн заан Б.Түвшинтулга /0/, аймгийн арслан Б.Бадрал /1/, аймгийн арслан Б.Батсайхан /0/, аймгийн арслан Х.Очирхуяг /2/ нар нийт гурван даваа авав.

Мөн энэ өдөр “С” хэсгийн барилдаан Баянхонгор-Төв аймгууд учраа таарч, Баянхонгор аймгийн баг 14:11-ээр эхний ялалтаа авлаа. Баянхонгор аймгийн багт улсын харцага Н.Золбоо /4/, улсын начин Д.Цэрэнтогтох /0/ хоёрдугаар тойргоос сэлгээнд сууж, түүний оронд орж барилдсан аймгийн арслан Т.Баттогтох /2/ аймгийн арслан Т.Дүүрэнсаран /0/, дөрөвдүгээр тойргоос сэлгээнд сууж, түүний оронд орж барилдсан улсын начин Э.Батмагнай /1/ цэргийн арслан Г.Жамбалдорж /4/, аймгийн арслан Б.Бат-Орших /3/ нийт 14 даваа авсан бол Төв аймгийн багт улсын начин Г.Ганжад /2/, аймгийн хурц арслан Э.Төгөлдөр /1/ гуравдугаар тойргоос сэлгээнд сууж, түүний оронд орж барилдсан аймгийн арслан Л.Даваажамц /1/, аймгийн арслан П.Эрхэмжаргал /3/, аймгийн арслан Н.Дашдаваа /2/, аймгийн арслан Л.Энхтүвшин /2/ нийт 11 даваа авав.

Ялсан баг шагналын тав сая төгрөг болон бөхчүүд давааны мөнгөө тус тус гардсан юм.