Тээврийн цагдаагийн албанаас урьд шөнө /2023.12.01-02/ улсын хэмжээнд “Уусан бол бүү жолоод” нэгдсэн хяналт шалгалт зохион байгуулахад дараах зөрчил илэрчээ. Тодруулбал, согтуугаар тээврийн хэрэгсэл жолоодсон 393, автомашин жолоодох эрхгүй хэрнээ тээврийн хэрэгсэл барьсан 149 зөрчлийг илрүүлсэн байна. Мөн эрэн сурвалжлагдаж байсан 18, гэмт хэрэг зөрчлийн шинжтэй 58 үйлдэл, нийт 4342 зөрчлийг илрүүлэн, таслан зогсоож, учирч болох эрсдлээс урьдчилан сэргийлжээ.

Хяналт шалгалтын хүрээнд нийт 1100 хяналтын цэгт 2445 албан хаагч 399 автомашинтайгаар хяналт тавьж ажиллажээ.