Олон улсын сансрын станц үндсэндээ живж буй хөлөг болжээ. Энэ нь хүн төрөлхтний шинжлэх ухааны мэдлэг, хамтран ажиллах чадварын бэлгэ тэмдэг болсон дэлхийн тойрог замд таталцлын хүчинд өртдөг 450 тонн жинтэй сансрын хөлөг юм.

Тус станцын ашиглалтын хугацаа хэтэрсэн бөгөөд тойрог замд үлдэхийн тулд үе үе нэмэлт хүч шаардагддаг. НАСА ирэх 10 жилийн дотор тус станцыг тэтгэвэрт гаргахаар төлөвлөж байна.  Гэвч "Scientific American" сэтгүүлийн мэдээлснээр, Олон улсын сансрын станцыг устгахад бараг 1 тэрбум ам.долларын зардал гарах магадлалтай гэж тооцоолжээ.

Сансрын станцыг устгах ажлыг 2031 он гэхэд дуусгахаар төлөвлөж байгаа бөгөөд НАСА-д үүнийг хийх хэд хэдэн сонголт бий. Гэвч бүх сонголт тус станцыг эх дэлхийд буцаан авчирахыг шаардаж байна. Хамгийн боломжит хувилбар бол тус станцыг  “санаатайгаар, сүйрүүлж", дэлхийд унахад нь туслах Оросын “Прогресс” ачааны гурван машинд найдах явдал юм.

НАСА сансрын станцыг илүү өндөр тойрог замд түлхэж болох бөгөөд энэ нь эрсдэлгүй. Гэхдээ ингэх нь бас л үнэтэй байх болно. Сансрын станц нь хуучирсан, том хэмжээтэй учраас ямар ч байсан задарч, асар их хэмжээний хог хаягдал үлдээх магадлалтай.

Оросын сансрын агентлаг "Роскосмос" хяналттай буухад шаардлагатай тээврийн хэрэгсэлд туслахыг зөвшөөрсөн. Гэхдээ сүүлийн үеийн үйл явдлууд ийм чухал үүрэг даалгаварт найдвартай хөлөг онгоц нийлүүлэх Москвагийн чадварт сөргөөр нөлөөлж байна. Сүүлийн үед Орос улсаас сансарт хөөргөх оролдлого хэд хэдэн удаа бүтэлгүйтсэн.

НАСА ойрын хэдэн сарын дотор сансрын станцын массыг зөөвөрлөх чадвартай, тойрог замаас гарах тээврийн хэрэгслийн арилжааны саналыг авч үзэх болно.

Олон улсын сансрын станц энэ жил 25 нас хүрсэн. Энэ нь 15 жил ашиглах зорилтот хугацаанаас 10 жилээр давсан гэсэн үг.  Станцын анхны модулиуд 1998 оны сүүлээр тойрог замд хүрсэн.

ЭХ СУРВАЛЖ: JALOPNIK’S NEWSLETTER