Хойд Солонгос улсаас арваннэгдүгээр сарын 21-нд сансарт хөөргөсөн анхны тагнуулын хиймэл дагуул нь АНУ-ын Цагаан ордон, Пентагон болон ойролцоох  тэнгисийн цэргийн станцуудын зургийг авсан гэж мэдэгдлээ.

Хойд Солонгосын төрийн хэвлэл мэдээллийн хэрэгслээр удирдагч Ким Жон Ун тагнуулын төхөөрөмжийн дарсан Гуам дахь Агаарын цэргийн хүчний бааз, Сувдан эрэг, АНУ-ын тэнгисийн цэргийн Карл Винсон нисэх онгоц тээгч хөлөг онгоц зэргийн зурагтай танилцлаа гэж мэдээлжээ.

БНАСАУ хиймэл дагуулыг нарийн тохируулсны дараа арванхоёрдугаар сарын 1-нээс албан ёсоор тагнуулын ажлаа эхлүүлнэ гэсэн ч "KCNA" агентлаг Мягмар гаригт "Хиймэл дагуулын нарийн тааруулах үйл явцыг нэг юмуу хоёр хоногийн өмнө дуусгахаар яаравчилж байна" гэж мэдэгджээ.

Хиймэл дагуул бүрэн ажиллагаатай эсэх талаар гадаад ертөнцөөс ямар нэгэн баталгаа гараагүй байгаа бөгөөд Хойд Солонгос шинэ хиймэл дагуулынхаа авсан ямар ч зургийг хараахан нийтлээгүй байна.

Цагаан ордны Үндэсний аюулгүй байдлын зөвлөлийн хэвлэлийн төлөөлөгч Адриен Ватсон мэдэгдэлдээ, АНУ нь Хойд Солонгосын мэдэгдлийг бие даан шалгах боломжгүй гэж мэдэгдэв. "БНАСАУ-ыг баллистик пуужингийн технологи ашиглан сансрын пуужин хөөргөж байгаа нь НҮБ-ын Аюулгүйн зөвлөлийн олон тогтоолыг бүдүүлгээр зөрчиж, хурцадмал байдал үүсгэж, бүс нутаг болон бусад бүс нутгийн аюулгүй байдлын байдлыг тогтворгүй болгох эрсдэлтэй байгааг бид эрс буруушааж байна" гэж Ватсон хэлжээ.

ЭХ СУРВАЛЖ: BLOOMBERG