Хамас бүлэглэл Баасан гаригийн үдээс хойш Израилийн 13, Тайландын 12 иргэнийг суллалаа. Өнгөрсөн аравдугаар сарын 7-нд байлдааны ажиллагаа эхэлснээс хойшхи анх удаа Израиль болон Хамасын хооронд хязгаарлагдмал хугацаанд гал зогсоосны хүрээнд барьцааны хүмүүсээс сулласан байна.

Израилийн барьцааны эхний бүлэг хүмүүсийг Египет дэх Олон улсын улаан загалмайн хороонд шилжүүлжээ.

Албаны хүмүүсийн мэдээлснээр энэ солилцоо Газын зурвасын өмнөд хэсэгт орших Хан Юнист болсон байна. Энэ хооронд Израилийн батлан ​​хамгаалах хүчин барьцаалагдсан хүмүүсийг Израиль руу буцаах бэлтгэл ажлаа дуусгасан байна. Израильд очсоныхоо дараа тэднийг эмнэлэгт хүргэн ажиглалт хийж, ар гэрийнхэнтэй нь уулзуулна.

Тайландын албаны хүмүүс Баасан гаригт  Газад Хамас бүлэглэлийн барьцаанд байсан Тайландын 12 иргэнийг сулласан гэж мэдэгдэв.

Гал зогсоох хэлэлцээрийн хүрээнд Израилийн шоронгийн албаны комиссар Кэти Перри палестин хоригдлуудыг Дэймон шоронгоос суллахыг ажиглахаар бэлтгэжээ.

Зарим палестинчууд Иерусалимын хойд хэсгийн Баруун эрэгт байрлах шоронгийн гадаа цугларч, эвлэрлийн хэлэлцээрийн дагуу дөрөв хоногийн хугацаанд суллагдах 150 хоригдлын эхний бүлэг болох 39 палестин хоригдлыг суллахыг хүлээж байна.

ЭХ СУРВАЛЖ: UPI