Г.Занданшатар: Татварын цогц шинэчлэлийг хийхээр ажиллаж байна

Г.Занданшатар: Татварын цогц шинэчлэлийг хийхээр ажиллаж байна

Г.Занданшатар: Импортыг орлох, экспортыг нэмэгдүүлэх баялаг бүтээгчдээ дэмжих татварын суурь шинэчлэл хийнэ

Г.Занданшатар: Татварын цогц шинэчлэлийг хийхээр ажиллаж байна

Татварын цогц шинэчлэл, Нийтийн буюу Төрийн санхүүгийн реформыг богино хугацаанд хийхээр УИХ ажиллаж байна. Дотоодын үйлдвэрлэгчидтэй хийсэн уулзалтын үеэр УИХ-ын дарга Г.Занданшатар энэ талаар мэдээлэл өгч, НӨАТ-ын буцаан олголтыг нэмэгдүүлэх санаачлага татвар төлөгчид буюу ард түмний дэмжлэгийг авч чадсан учраас оновчтой хувилбараар үргэлжлүүлэн ажил хэрэг болно гэдгийг онцлов. Ингэхдээ дотоодын үйлдвэрлэлд ээлтэй татварын суурь орчныг бүрдүүлэх үүднээс үйлдвэрлэгчидтэй санал солилцож, тулгарч буй асуудлуудыг нэгдсэн байдлаар тодорхойлох нь чухлыг тэмдэглэв. Тэрээр, Сэлэнгэ аймгийн Баянгол суманд байрлах үндэсний үйлдвэрлэгч “Майнд Тэч” ХХК-ийн үйлдвэрт ажиллах үеэрээ үүнийг онцолж, баялаг бүтээгчид болон дотоодын үйлдвэрлэлийг дэмжих татварын суурь шинэчлэлийн хүрээнд санал солилцлоо.

Өнгөрсөн хугацаанд дотоодын үйлдвэрлэлийг дэмжих хууль эрх зүйн ээлтэй орчин, уян хатан бодлого, оновчтой зохицуулалт дутагдаж ирснийг судлаачид хэлдэг. Өнгөрсөн хоёрдугаар сард Улсын Их Хурлын даргын захирамжаар Татварын суурь орчинд дүн шинжилгээ хийх, нийгэм эдийн засагт үүсээд байгаа эргэлзээтэй асуудлыг судалж, санал дүгнэлт гаргах, шаардлагатай бол татварын суурь шинэчлэлт хийх шийдвэрийн төсөл боловсруулж, танилцуулах үүрэг бүхий ажлын хэсэг байгуулагдсан. Энэ хүрээнд үйлдвэрлэл эрхлэгчид, нэмүү өртөг бүтээгчид, ажлын байр бий болгогчдыг татварын бодлогоор дэмжих, салбар бүрт тулгамдаж буй хүндрэл, ачааллыг тодорхойлох, ноогдуулж буй татварын төрөл зүйл, хувь хэмжээ оновчтой эсэх талаар аж ахуйн нэгжүүдийн төлөөлөлтэй уулзаж, санал солилцож байгаа юм.

“Майнд Тэч” ХХК нь Герман, Швед, Итали улсын тоног төхөөрөмж бүхий шахах, цэвэршүүлэх, савлах үйлдвэрүүдэд генийн өөрчлөлтгүй, транс тосны агууламжгүй ургамлын тосыг гарган авч, дотоодын зах зээлээс гадна БНСУ болон Япон улс руу экспортолж эхэлжээ. Эх орны хөрсөнд тариалсан тосны ургамлын үрнээс халуун шахалтын аргаар өдөрт 100 тонн ургамлын тос үйлдвэрлэх хүчин чадалтай энэ үйлдвэр нь салбартаа анх удаа үнийн хувьсгалыг санаачилж, хамгийн хямд үнээр худалдаалж эхэлсэн байна. Манай улсын ургамлын тосны нийт хэрэглээ өнгөрсөн оны байдлаар 10.8 мянган тонн байгаагаас 10.5 мянган тонн буюу 97 хувийг импортоор хангажээ. Түүврийн аргачлалаар нийслэл хотын дэлгүүр, худалдааны 20 цэгээс хийсэн тандалт судалгаагаас үзэхэд 20 нэр төрлийн ургамлын тос худалдаалагдаж байгаагаас 19 нэр төрөл нь импортынх бөгөөд үнийн хувьд 5090 төгрөгөөс 13100 төгрөгийн хооронд худалдаалж байгаа юм. Үндэсний үйлдвэрлэгч “Майнд Тэч” ХХК-ийн гүйцэтгэх захирал У.Мөнхжаргал, татварын бодлого нь угтаа үйлдвэрлэл эрхлэгчдээ дэмждэггүй, алдаатай явж ирснийг хэлээд зах зээлийн шударга өрсөлдөөний гол чөдөр нь импортын татвар болж байгааг учирлаж байлаа. Учир нь ургамлын тосны зах зээлд давамгайлж буй импортлогчид 5 хувийн татвар төлж байхад, дотоодын үйлдвэрлэгчдэд ирэх татварын дарамт 20 хувь давсныг тэрээр онцолсон юм.

Өргөн хэрэглээний бараа бүтээгдэхүүний үнийн өсөлт ард иргэдийн нуруун дээрх хамгийн том ачаа болж байгааг УИХ-ын дарга Г.Занданшатар тодотгоод инфляцийг бууруулахын тулд дотоодын үйлдвэрлэлийн хэмжээг нэмэгдүүлэх нь чухал бөгөөд үүнийг татварын нэгдсэн бодлогоор дэмжинэ гэлээ. Өөрөөр хэлбэл татвар нь зөвхөн төсвийн орлого бүрдүүлээд зогсохгүй эдийн засгийг дэмжих хөшүүрэг байх ёстой учраас импортыг орлох дотоодын үйлдвэрлэлийн хэмжээг нэмэгдүүлэхийн тулд баялаг бүтээгчдээ дэмжихэд уян хатан бодлого, оновчтой зохицуулалт, татварын суурь шинэчлэл чиглэнэ гэж тодотгов. Энэ хүрээнд УИХ, Засгийн газрын хамтарсан ажлын хэсэг ажиллах бөгөөд үндэсний үйлдвэрлэл эрхлэгч аж ахуйн нэгжүүд өргөжсөнөөр ажлын байр нэмэгдэх давуу талтай юм гэж УИХ-ын Хэвлэл мэдээлэл, олон нийттэй харилцах газраас мэдээлэв.

 

Энэ мэдээнд өгөх таны сэтгэгдэл?
4
ЗөвЗөв
1
ХахаХаха
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2023-11-23 66.181.160.7

Занданшатар хулгайч Тэмүүлэн НӨТ буцаан олголтоо шийдээч ээ Том том яриад тэнэгтээд байхын.

Avatar

БҮР ЗАЛХЧЛАА 2023-11-23 202.179.27.246

ЦОГЦ ШИНЭЧЛЭЛ ЦОГЦ АРГА ХЭМЖЭЭНЭЭС ЧИНЬ БҮҮР ЗАЛХСАН.. ХЭЗЭЭ Ч ЦОГЦ БАЙГААГҮЙ.

Avatar

Нэргүй 2023-11-23 202.55.188.115

шоу

Avatar

Нэргүй 2023-11-23 213.87.149.99

!!! Халуун охид таныг хүлээж байна – – – – – https://ok.me/wqPA1

Avatar

Иргэн 2023-11-23 202.126.88.194

татвар даатгалаар тогтмол төлдөг аанэгжид бага ч гэсэн зээл олгож засвар өргөжүүлэх гэхээр банкууд нь дандаа барьцаа нэхэх юм.16жил ажилаад нэгч зээл авсангүй ялгаварлан гадуурхахаа болимоор юм.ямарч туслалцаа байхгүй болхоор татвар даатгал төлөх сонирхол үнэндээ алга.өгөөд байдаг хэрэг алга

Avatar

Нэргүй 2023-11-23 66.181.179.36

Энэ тос дотоодод худалдаалж байгаа юу? Ямар нэртэй тос вэ?

Avatar

Нэргүй 2023-11-23 139.5.219.249

ЗАРИМ ТӨРЛИИН ИМПОРТИН ХОГОНД ХОРИГ ТАВИ

Avatar

Нэргүй 2023-11-23 202.21.107.30

Гадаадаас хүнсний бүтээгдэхүүн авмааргүй байна даа

Avatar

Нэргүй 2023-11-23 188.162.254.36

дээдэх нь суудалаа олоогуй бол доодох нь хэзээ ч гуйдэлээ олдоггуй гэж Уих гээч худалч хулгайч з**х*й эмс шургалсан байгууллагыг тараая !!!!!

Avatar

Зочин 2023-11-23 66.181.182.250

Тэгээд Жонхуу тэргүүтэй хулгайчдаа жагсаалтаар шургуулж ард түмнийг доромжлохоор бэлтгэж байна гэнээ Үнэн үү

NewsMN Гар утасны хувилбар Татах
NEWS.mn

Мэдээллийн эх сурвалж