Идэвхээр хасдаг заалтыг өөрчилж, хаялцуулах нь зөв гэдэгт санал нэгджээ

Монголын үндэсний бөхийн холбоо/МҮБХ/-ны барилдааны дүрмийн зөвлөлийн ээлжит хурал өнгөрөгч Ням гаригт бөхийн өргөөнд болжээ. Уг хурлаар улсын баяр наадамд мөрддөг "Үндэсний их баяр наадмын үндэсний бөхийн барилдааны дүрэм" болон наадмаас бусад барилдаанд хэрэгжүүлэн ажилладаг "Монгол бөхийн барилдааны дүрэм"-ийн заалтуудыг хэлэлцүүлэв. Барилдааны дүрмийн зөвлөлийн гишүүд үндэсний бөхийн барилдааны төгсгөлд идэвх харгалзаж бөхийг хасах заалтыг өөрчлөх, барилдааныг хаялцуулж дуусгах нь зөв хэмээн санал нэгдсэн байна.

МҮБХ-ноос Барилдааны дүрмийн өөрчлөлтийн талаарх нээлттэй хэлэлцүүлгийг 2023 оны аравдугаар сарын 30-ны өдөр зохион байгуулж ажилласан ба тус нээлттэй хэлэлцүүлэгт бөхийн зүтгэлтэн, багш, дасгалжуулагчид, ахмад болон залуу бөхчүүдээс 16 санал гаргасан бөгөөд хуралд барилдааны дүрмийн зөвлөлийн гишүүн улсын начин Б.Бадам-Очир, С.Багахүү, Б.Батсуурь, Ж.Чулуунбат, Ч.Ганзориг, Ө.Батзул, аймгийн начин Д.Сод-Эрдэнэ, Н.Анхбаяр, улсын хүндэт засуул Л.Хадаа, МҮБХ-ны тэргүүлэгч гишүүн, ерөнхий хөлийн цэц, улсын харцага Д.Батболд, тэргүүлэгч гишүүн, улсын начин Бо.Батжаргал, тэргүүлэгч гишүүн, улсын тэргүүн тайлбарлагч С.Гантөр, хөлийн цэц, аймгийн заан Ч.Энхзаяа, аймгийн начин Б.Улаалзгана, улсын хүндэт засуул Р.Сампилдондов нар Барилдааны дүрмийн талаар санал гаргаж хэлэлцлээ.

Санал тус бүрийг шүүн хэлэлцсэний эцэст улсын начин Ж.Чулуунбат, Ө.Батзул нарын гаргасан саналыг хэлэлцэж, олонхын саналаар дэмжин дүрмийн өөрчлөлтийг бөхийн дэвжээд, биеийн тамирын чиглэлийн их, дээд сургуулиудад саналыг хүргүүлж нэг сарын хугацаанд туршилтын журмаар хэрэгжүүлж, ажиллахаар шийдвэрлэлээ.

Туршилтаар хэрэгжүүлэх нь: “Үндэсний бөхийн барилдааны дүрэм”-ийн 2.5.2.А-д заасан “…Сэнжиг элэг бүсний барьц болон суганы хонхор, зодогны хормойноос хав барьж хоёр талаар барилдана…” гэсэн заалтыг хасах, дүрмийн 2.5.2.Б-д “… Тэгш барьцыг харилцан бариулж барилдааныг дуусгана…” заалтыг өөрчлөн “Тэгш барьцаар хоёр бөх зүүн, баруун талдаа тус бүр 2 удаа барьж барилдана” гэж өөрчлөх, тэгш барьцаар барилдан хоёр бөх хаялцахгүй тохиолдолд барилдааны явцад идэвхтэй барилдсан бөх дараах идэвхийн гурван барьцаас сонгож барилдахыг олонхын саналаар тус тус дэмжлээ.

ИДЭВХИЙН А БАРЬЦ НЬ: Тухайн барилдаанд идэвхтэй барилдсан бөх нь нэг гараар сугадаж, нөгөө гараар шуудагдах, учраа бөх нь сугадуулсан талдаа дээлчилж, нөгөө гарыг өрсөлдөгчийн шуун дээр дарсан байдалтай эхлэх, /Барилдааны дүрмийн зөвлөлийн гишүүн, улсын начин Ж.Чулуунбатын санал/
ИДЭВХИЙН Б БАРЬЦ НЬ: Тухайн барилдаанд идэвхтэй барилдсан бөх нь гар холбож хөл авах, холбохдоо гар даруулсан гараар алсын шуудаг барих, учраа бөх нь хоёр гар барьцгүй байх /Барилдааны дүрмийн зөвлөлийн гишүүн, улсын начин Ө.Батзулын санал/
ИДЭВХИЙН В БАРЬЦ НЬ: Тухайн барилдаанд идэвхтэй барилдсан бөх өөрийн талаа сонгон хоёр бөх зөрж хөл авч барилдана.

Дээрх Идэвхийн 3 барьцны барилдааныг арваннэгдүгээр сарын 26, арванхоёрдугаар сарын 05, 09, 10-ны барилдаануудад оролцох бүх бөхчүүдээс санал авч, бөхийн дэвжээд, их дээд сургуулиудаас ирсэн саналуудыг дүгнэн шийдвэрийг гаргахаар тогтов.

12 сэтгэгдэл

Хариулахаа болих

Зочин 2023-11-21 76.220.74.140

Хаяалцахыг нь хүлээх юм бол хэдэн цаг байтугай 1ээс 2 өдөр ч хүлээж магадгүй. Одоо тэгж хүмүүсийн алтан цагийг барж болохгүйээ

Хариулах

Нэргүй 2023-11-21 66.181.181.147

олон цаг махан бөмбөөхэй нар зогсдог болохоор аргаа бараад л оруулаа биз дээ

Зочин 2023-11-21 107.77.206.91

дүрмийнхээ дагуу тогтоосон цаг хугацаандаа л давалцдаг байх ёстой шүү дээ. таахалзсан хоёр юм таахалзаад оройжин тойроод алхаад байвал онцгүй шүү дээ

Нэргүй 2023-11-21 66.181.182.109

улс төр нийгмийн амьдралд ямар ч идэхгүй, олон улсын тэмцээнд ямар ч амжилт бхгүй хэрэггүй сэвснүүд

Допинг 2023-11-21 139.5.218.66

Ямар ч спорт үзэгчтэй байж л оршин тогтнодог, МҮБХ ингэж хэдэн тэнэг бөхдөө хөтлөгдөж, тэднийхээ эрх ашигт захирагдаж үзэгчдийг залхаахаар шийджээ, одоо цагт хүн унагаачих хэмжээний мэхтэй, барилдаанч бөх хэд билээ, ихэнх нь ямар ч мэхгүй махан бөмбөгнүүд л байгаа ш дээ, тэдний хаялцахыг хүлээвэл ч хонож өнжих юм болох вий

Нэргүй 2023-11-21 172.59.189.17

dabhar shuudag huleej tsag abch sonirholgui bolgoj buhchuud jingee nemeh bolj senjignii barits abhuuldag bol

Нэргүй 2023-11-21 213.87.132.211

!!!! Халуун охид таныг хүлээж байна – – – – – https://ok.me/wqPA1

Нэргүй 2023-11-21 139.5.219.148

үргэлжллэ… үзэгчдэд түргэн шуурхай тогтоосон цагт хэн нэг нь давах нь хэрэгтэй болохоос хөлсөө цувуулсан 2 нөхрийг нүдээ чилтэл хараад суух зав, цаг, хүсэл алга байна. Үндэсний бхийн барилдах дээд хугацааг 10 минут болго, идэвхийг зс зөвшөөрөх аваас хоёуланг нь хасчих. Хэд хасагдсаны дараагаар нэг .ь хүээр байнау? найраагаар байна уу? давдаг болно_ Битгий үзэгчдийг доромжил.

Бадарч тахар 2023-11-21 103.57.93.42

Тэр доктор Баянаа аваргаасаа асуугаач ! Бөхийг бүрэн судлаад доктор болсон гээ биз дэ ! өөр докторууд бас байна асуугаач !

Бөхийн барилдааны дүрмийг бөхчүүдээр шийдүүлэдэг болох нь хаанахын ямар гээч зарчим бэ? Хүний ертөнцөд л лав байхгүй шүү, Хоныг чононоос хамгаалахын тулд чононуудаас өөрсдөөс нь асуухтай адил сонсогдож байна. Ийм дэвжээнд энэ хугацаанд барилд гэсэн дүрмийг үзэгч тогтоох ёстой шүү.Бөхчүүд болохоор яаж байгаад ч болсон давчих юм сан гэдэг талыг сонгоно. Чоно хичнээн хөгжиж бурхан шиг энэрэнгүй боллоо чиг хонийг идэх аргаа зөвтгөж чадна. Үзэгчдэд түргэн шуурхай барилдаан хэрэгтэй болохоос хөлсөө г