Умард Атлантын цэргийн эвсэл буюу НАТО байгууллагын Ерөнхий нарийн бичгийн даргын суудалд өрсөлдөх хүсэлтээ Балтийн хоёр дахь орны улстөрч илэрхийллээ. Тодруулбал, 2024 онд Йенс Столтенбергийг залгамжлах хүсэлтээ Латви улсын Гадаад хэргийн сайд Кришянис Каринш илэрхийлсэн байна.

Кариншийн хэвлэлийн төлөөлөгч Ням гаригт мэдэгдэлдээ,  “Латви улс Ерөнхий нарийн бичгийн даргын сонгуульд нэр дэвшихээр шийдсэн тохиолдолд Кришянис Каринш өрсөлдөөнд оролцоход бэлэн байна. Ерөнхий сайд байхдаа удирдаж байсан туршлага, Оросын заналхийллийн талаар тодорхой ойлголт, Украины талаарх хатуу байр суурь, олон улсын зөвшилцөлд хүрсэн амжилтаараа эвсэлд хувь нэмрээ оруулахыг" санал болгоно” гэжээ. Өдгөө 58 настай Каринш өнгөрсөн наймдугаар сард  Ерөнхий сайдаас огцорсон бөгөөд шинэ засгийн газар байгуулсан юм.

Үүнээс гадна Нидерландын Ерөнхий сайд Марк Рютте, Эстонийн Засгийн газрын тэргүүн Кажа Каллас нар  НАТО-гийн дээд албан тушаалд ажиллах сонирхолтой байгаагаа илэрхийлээд байна.

Дөрөв дэх удаагаа сунгасны дараа Йенс Столтенбергийн бүрэн эрхийн хугацаа өнгөрсөн аравдугаар сард дууссан бөгөөд тэрбээр огцрох хүсэлтээ хэлсэн.

НАТО-гийн холбоотнууд саяхан Ерөнхий нарийн бичгийн даргад Нордик эсвэл Голландаас өөр өөр бүс нутгаас, өөр өөр профайлтай нэр дэвшигчдийг авч үзэхийг хүсч буйгаа илэрхийлжээ. Шийдвэрийг 31 холбоотнуудын дунд санал нэгтэй гаргах шаардлагатай боловч НАТО-д цэргийн хувь нэмрийг тэргүүлдэг АНУ-ын үзэл бодол үргэлж хамгийн их жинтэй байдаг. Гэхдээ Балтийн орнууд холбоог удирдан чиглүүлэхэд Москвад хэтэрхий харгис ханддаг гэж үздэг.

ЭХ СУРВАЛЖ: BLOOMBERG