Фургон машиныг гурван саяар үнэлэн дуудлага худалдаанд оруулна

Төрийн өмчийн бодлого зохицуулалтын газраас ирэх арванхоёрдугаар сарын 1-нд дуудлага худалдаа зохион байгуулахаар болжээ. Тодруулбал, 2012 онд үйлдвэрлэгдсэн фургон автомашины доод үнийг гурван саяар үнэлэн дуудлага худалдаанд оруулахаар болсон байна. Хамгийн дээд үнэ хэлсэн хүнд уг фургон автомашиныг зарах аж. Дуудлага худалдаанд оролцох бол дээрх автомашины үнийн 25 хувьтай тэнцэх төлбөр болох 750,000 төгрөгийг дэнчин болгон дансанд байршуулах аж.

Мөн дуудлага худалдаанд оролцохыг хүсэгч нь хүсэлтийн маягт бөглөж, дэнчин төлснийг нотлох баримт, иргэний үнэмлэх (хуулийн этгээдийн хувьд улсын бүртгэлийн гэрчилгээ)-ний хуулбараа 2023 оны арванхоёрдугаар сарын 1-ний өдрийн 09 цаг хүртэл Стандарт, хэмжил зүйн газарт хүргэж өгөх юм байна.

Дуудлагын худалдааны ерөнхий мэдээлэл

Дуудлагын худалдааны хэлбэр	Нээлттэй
Гэрээний зүйл	Марк:	УАЗ 390992, фургон автомашин арлын дугаар 374100С0473597	УАЗ 390992, фургон автомашин арлын дугаар 374100С0473595
	Үйлдвэрлэсэн он:	2012 он	2012 он
	Ашиглалтад орсон он:	2012 он	2012 он
	Хөдөлгүүрийн багтаамж:	2890 Бензин	2890 Бензин
	Улсын дугаар:	12-97 УНЭ	15-92 УНР
	Төлөв байдал:	Тээврийн хэрэгслийн техникийн байдалд тавих ерөнхий шаардлага дунд, засвар хийх шаардлагатай
	Товч танилцуулга:	“СХЗГ-т албаны зориулалтаар ашиглаж байгаад ашиглалтын хугацаа дууссан, элэгдлээрээ анхны өртгөө нөхсөн.
Дуудлага худалдаа болох хугацаа	2023 оны 12 дугаар сарын 01-ний өдрийн 10:00 цагт
Дуудлага худалдаа болох газар	Стандарт хэмжил зүйн газрын сургалтын танхимд Энхтайвны өргөн чөлөө – 46-А, Баянзүрх дүүрэг
Худалдах доод үнэ	Хөрөнгө тус бүрт	3,000,000 /гурван сая/ төгрөг	3,000,000 /гурван сая/ төгрөг
Дуудлагын худалдаанд тавих дэнчингийн хэмжээ	Худалдах доод үнийн 25% буюу 750,000 /Долоон зуун тавин мянга/ төгрөг
Ялсан этгээдийг тогтоох журам	Үнэ хаялцан ялагч нь хамгийн өндөр үнэ санал болгосон этгээд байна.
Худалдах, худалдан авах гэрээний нөхцөл	Гэрээг ажлын 3 хоногийн дотор байгуулна. Худалдан авагч нь дуудлага худалдаагаар худалдан авсан эд хөрөнгийн үнийг 14 хоногийн дотор төлнө.
Дэнчинг байршуулах данс	СХЗГазрын 203тоот өрөөнд бэлэн мөнгөөр төлбөр төлөх